Termiz davlat pedagogika institutida navbatdagi Kengash yig'ilishi bo'lib o'tdi.

Yig'ilish avvalida institut rektori A.Xasanov an'anaga muvofiq ilmiy daraja olgan professor-o'qituvchilarga diplom attestatlarini hamda oliygohda yillar davomida samarali mehnat qilib kelayotgan bir guruh professor-o'qituvchilarga tashakkurnomalarni topshirdi. 

Kun tartibida pedagog xodimlarning olti oylik o'quv reja va dasturlarining bajarilishi, qishki sessiya yakuni hamda navbatdagi vazifalari, Yoshlar masalalari va ma'naviy-ma'rifiy ishlar bo'yicha birinchi prorektorning yillik hisoboti, Matematika va informatika fakultetida o'quv, yoshlar bilan ishlash, ilmiy ishlar va innovatsiya ishlarining kompleks tahlili haqida muhokama qilindi. 

Yakunda kun tartibiga qo‘yilgan masalalar yuzasidan takliflar olindi va ularning ijrosi bo‘yicha qarorlar chiqarildi.