Kafedra mudiri
Mardonova Lobar Umaraliyevna
Filologiya fanlari bo‘yicha falsafa doktori (PhD), dotsent, kafedra mudiri.
Qabul vaqti:Dushanba, seshanba (14:00 dan 15:00 gacha)
Kafedra haqida umumiy ma’lumot
O‘zbek tili va adabiyoti kafedrasida 22 nafar professor-o‘qituvchi mavjud bo‘lib, shundan 16 nafari asosiy shtatda faoliyat ko‘rsatadi. Kafedrada 1 nafar filologiya fanlari doktori (DSc), professor — S. Miliyev; 1 nafar filologiya fanlari nomzodi, professor — P. Alimov; 4 nafar PhD, dotsent — L. Mardonova, Sh. Majidova, N. Raimnazarova, S. Saidmuradova; 3 nafar PhD — G. Qurbonova, A. Eshqurbonova, A. Musurmonqulov; 3 nafar katta o‘qituvchi — J. Avriddinov, N. Sayfullayev, N. Jo‘ranazarova; 4 nafar o‘qituvchi hamda 7 nafar o‘rindosh o‘qituvchi faoliyat yuritib kelmoqda. Kafedraning ilmiy salohiyati 56,25 foizni tashkil etadi.
Bugungi kunda kafedrada 60111400 va 60110700 — O‘zbek tili va adabiyoti bakalavriat yo‘nalishlari hamda 70110701 — O‘zbek tili va adabiyoti magistratura yo‘nalishi bo‘yicha ta’lim beriladi.
2021Kafedra tashkil etilgan yil
22Professor-o‘qituvchilar soni
16Asosiy shtatdagi o‘qituvchilar
56,25%Kafedraning ilmiy salohiyati
60111400, 60110700
O‘zbek tili va adabiyoti (bakalavr).
70110701
O‘zbek tili va adabiyoti (magistratura).
Asosiy faoliyat
O‘zbek tili, adabiyoti, tilshunoslik va adabiyotshunoslik fanlarini zamonaviy metodika asosida o‘qitish.
Xalqaro hamkorlik va akademik almashinuv dasturlari
O‘zbek tili va adabiyoti kafedrasi xorijiy oliy ta’lim tashkilotlari bilan samarali hamkorlik o‘rnatishni maqsad qilgan. Ushbu hamkorlik, avvalo, talaba va professor-o‘qituvchilar almashinuvi orqali ikki tomonlama tajriba almashishni yo‘lga qo‘yish, qo‘shma ta’lim dasturlarini ishlab chiqish va sifatli kadrlar tayyorlash imkoniyatlarini yaratishga xizmat qiladi. Shu bilan birga, ilmiy-tadqiqot yo‘nalishida qo‘shma tadqiqot loyihalarini amalga oshirish, xalqaro konferensiyalar tashkil etish va ilmiy maqolalar chop etish rejalashtirilgan.
Zamonaviy innovatsiyalarni o‘zlashtirish, ilg‘or tajribalarni amaliyotda qo‘llash va yangi texnologiyalarni o‘rganish ham hamkorlikning asosiy yo‘nalishlaridan biridir. Hamkorlik doirasida masofaviy ta’lim imkoniyatlarini kengaytirish va qo‘shma onlayn kurslar ishlab chiqish ko‘zda tutilgan bo‘lib, bu talabalarga xalqaro darajadagi ta’limdan foydalanish imkonini beradi.
Madaniy va tilshunoslik yo‘nalishidagi hamkorlikni kuchaytirish orqali talabalar va o‘qituvchilarning xorijiy til ko‘nikmalarini rivojlantirish hamda madaniy almashinuv dasturlarida ishtirok etish nazarda tutilgan. Umuman olganda, xalqaro hamkorlik nafaqat ta’lim sifati va ilmiy salohiyatni oshiradi, balki xalqaro maydonda institut obro‘sini mustahkamlashga ham xizmat qiladi.
Hamkor tashkilotlar va universitetlar
GOETHE-INSTITUT (Germaniya Federativ Respublikasi)
UNIVERSITÄT MÜNSTER (Germaniya Federativ Respublikasi)
IDS LEIBNIZ-INSTITUT FÜR DEUTSCHE SPRACHE (Germaniya Federativ Respublikasi)
SENIOREN EXPERTEN SERVICE (Germaniya Federativ Respublikasi)
KAZAN FEDERAL UNIVERSITETI (Rossiya Federatsiyasi)
PÄDAGOGISCHE HOCHSCHULE HEIDELBERG (Germaniya Federativ Respublikasi)
Tadbirlar, ilmiy tadbirlar va xalqaro konferensiyalar
O‘zbekiston Respublikasi Oliy ta’lim, fan va innovatsiyalar vazirligining 2026-yil 16-yanvardagi “Respublikada 2026-yilda o‘tkaziladigan xalqaro va mahalliy ilmiy hamda ilmiy-texnik tadbirlar ro‘yxatini tasdiqlash to‘g‘risida”gi 11-son buyrug‘iga muvofiq, 2026-yil 19–20-may kunlari Termiz davlat pedagogika institutida “Til, adabiyot va madaniyat: xalqaro ilmiy integratsiya va tadqiqotlar talqini” mavzusidagi II xalqaro ilmiy-amaliy konferensiya tashkil etildi.
Konferensiya yo‘nalishlari
- 1-sho‘ba. Zamonaviy tilshunoslik va lingvistik tadqiqotlar.
- 2-sho‘ba. O‘zbek tilshunosligi va turkiy tillar tadqiqi.
- 3-sho‘ba. Adabiyotshunoslikda zamonaviy yondashuvlar.
- 4-sho‘ba. O‘zbek adabiyoti va folklorshunoslik tadqiqi.
Konferensiyada institut rektori, soha prorektorlari, vohamizdagi yetakchi professorlar hamda Afg‘oniston, Qozog‘iston, Germaniya, Turkiya, AQSh va Kanada singari mamlakatlardan 100 dan ortiq tadqiqotchi-olimlar onlayn hamda oflayn tarzda ishtirok etishdi.
Konferensiya yalpi majlisi yakunida institutda xizmat safarida bo‘lib, o‘z ma’ruzalari bilan talabalarga yangi bilimlarni ulashgan AQShning Cleveland shtatidagi Lee University o‘qituvchilari Baller Maxwell Jemes va Mikatech Janette Lee Wilee, California State University professor-o‘qituvchilari Barton Hope Ashley, Emily Mae Young va Morgan Nathan Robert hamda Kanada davlat universiteti professor-o‘qituvchisi Kartono Kiki Herawatiga institut rahbariyati tomonidan minnatdorchilik bildirildi.
Kafedra akkreditatsiyasi, sertifikatlari va qayta aloqa tizimi
Kafedraning 5 nafar o‘qituvchisida xalqaro sertifikat, 7 nafar o‘qituvchisida esa milliy sertifikat mavjud. 2025/2026-o‘quv yilida O‘zbek tili va adabiyoti ta’lim yo‘nalishini kompleks akkreditatsiyadan o‘tkazish rejalashtirilgan.
5Xalqaro sertifikatga ega o‘qituvchilar
7Milliy sertifikatga ega o‘qituvchilar
24 soatApellyatsiya bilan murojaat qilish muddati
2025/2026Kompleks akkreditatsiya rejalashtirilgan o‘quv yili
Talabalar fikr-mulohazalari
Kafedrada talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.
Apellyatsiya jarayoni
Yakuniy nazorat natijalari e’lon qilingandan so‘ng talabalar 24 soat ichida kafedra apellyatsiya komissiyasiga murojaat qilishlari mumkin. Bu jarayon baholashdagi noaniqliklarni bartaraf etish va talabalar fikrini inobatga olishga xizmat qiladi.
Doimiy qayta aloqa
Ta’lim sifati bo‘yicha talabalar fikrini to‘plash uchun so‘rovnomalar va tahliliy hisobotlar muntazam o‘tkaziladi, murojaatlar o‘rganiladi hamda o‘quv jarayonini takomillashtirishga qaratilgan chora-tadbirlar ishlab chiqiladi.
Talabalar hayoti va to‘garaklar
Kafedra qoshida talabalarning o‘zbek tili va adabiyotini chuqurroq o‘rganishiga yo‘naltirilgan to‘garaklar tashkil etilgan. Ushbu to‘garaklar orqali talabalar:
- o‘zbek tili va adabiyotini o‘rganish bo‘yicha interaktiv mashg‘ulotlarda ishtirok etishlari;
- amaliy nutq ko‘nikmalarini rivojlantirish va til bilish darajasini oshirishlari;
- milliy sertifikat olishga tayyorgarlik ko‘rishlari mumkin.
To‘garaklar doirasida talabalar ishtirokida turli debatlar, tanlovlar va seminarlar o‘tkazilib, ularning til va adabiyot bo‘yicha bilimlarini amaliy muhitda rivojlantirish imkoniyati yaratilmoqda.
1. “Hozirgi o‘zbek adabiy tili”
Rahbar: Musurmonqulov A.
A’zolar: 28 nafar
2. “Navoiyshunoslik”
Rahbar: S. Saidmuradova
A’zolar: 21 nafar
3. “Zukko tilshunoslar”
Rahbar: Sh. Majidova
A’zolar: 22 nafar
4. “Yosh tadqiqotchi”
Rahbar: G. Qurbonova
A’zolar: 20 nafar
5. “Ijod gulshani”
Turi: ijodiy to‘garak
Rahbar: N. Jo‘ranazarova
A’zolar: 25 nafar
6. “Zukko tilshunoslar”
Turi: fan to‘garagi
Rahbar: Sh. K. Majidova
A’zolar: 22 nafar
7. “Talabalar ilmiy jamiyati”
Turi: ilmiy to‘garak
Rahbar: A. Eshqurbonova
A’zolar: 20 nafar
8. “Yosh tilshunoslar”
Rahbar: N. Raimnazarova
A’zolar: 22 nafar
9. “Adabiy parvoz”
Turi: ma’naviy-ma’rifiy to‘garak
Rahbar: Toshqulova Zebiniso
A’zolar: 30 nafar
10. “Zullisonaynchi”
Turi: ijodiy to‘garak
Rahbar: Avriddinov Jobir Musulmon o‘g‘li
A’zolar: 20 nafar
Ma’naviy-ma’rifiy tadbirlar
Termiz davlat pedagogika instituti O‘zbek tili va adabiyoti kafedrasi nafaqat yuqori malakali pedagog kadrlar tayyorlash, balki talaba-yoshlarning ma’naviy-intellektual salohiyatini yuksaltirish, ularda milliy o‘zlikni anglash va vatanparvarlik tuyg‘ularini shakllantirish borasida ham tizimli ishlarni amalga oshirib kelmoqda.
Kafedra ma’naviy-ma’rifiy faoliyatining bosh maqsadi yoshlarni milliy va umuminsoniy qadriyatlar ruhida tarbiyalash hamda ularning ijtimoiy-siyosiy faolligini oshirishdan iborat. Ushbu yo‘nalishdagi ishlar quyidagi asosiy mezonlar asosida olib boriladi:
1. Davlat tili nufuzini oshirish va milliy qadriyatlar targ‘iboti
- Ona tiliga hurmat: 21-oktabr — O‘zbek tiliga davlat tili maqomi berilgan kun munosabati bilan har yili ilmiy-ma’rifiy anjumanlar, adabiy-badiiy kechalar va ijodiy tanlovlar tashkil etiladi.
- Badiiy merosni o‘rganish: Alisher Navoiy, Zahiriddin Muhammad Bobur, Xudoyberdi To‘xtaboyev va boshqa yirik adiblar ijodiga bag‘ishlangan monografik suhbatlar, g‘azalxonlik va mushoiralar muntazam o‘tkaziladi.
2. “Jaholatga qarshi — ma’rifat” va mafkuraviy immunitet
- Ogohlik — davr talabi: yoshlarni yot g‘oyalar ta’siridan asrash va ularda mafkuraviy immunitetni mustahkamlash maqsadida huquq-tartibot idoralari hamda Imom Termiziy xalqaro ilmiy-tadqiqot markazi olimlari bilan hamkorlikda davra suhbatlari va tushuntirish ishlari olib boriladi.
- Ijtimoiy ko‘mak va monitoring: professor-o‘qituvchilar talabalarning talabalar turar joyi va ijara xonadonlaridagi yashash sharoitlarini muntazam o‘rganib, ularga ma’naviy va ijtimoiy ko‘mak ko‘rsatadi.
3. Kitobxonlik madaniyatini yuksaltirish
- Mutolaa targ‘iboti: talabalar o‘rtasida “Yilning eng yaxshi kitobxoni”, “Kitob mening hayotimda” kabi ko‘rik-tanlovlar o‘tkazilishi an’anaga aylangan.
- Kafedra qoshidagi adabiy to‘garaklar talabalarning badiiy savodxonligini oshirishga xizmat qiladi.
4. “Ustoz-shogird” an’anasi va iqtidorli yoshlarni qo‘llab-quvvatlash
- Kafedraning tajribali professor-o‘qituvchilari iqtidorli talabalarga biriktirilib, ularning ilmiy va ma’naviy salohiyatini yuzaga chiqarish ustida ishlaydi.
- Natijada kafedra talabalari nufuzli davlat stipendiyalari va respublika miqyosidagi ijodiy tanlovlarda faxrli o‘rinlarni qo‘lga kiritib kelmoqda.
Kafedrada o‘qitiladigan asosiy fanlar
Ta’lim yo‘nalishi: 60110700 — O‘zbek tili va adabiyoti (bakalavriat). Quyidagi fanlar kafedraning asosiy o‘quv va ilmiy-uslubiy yo‘nalishlarini qamrab oluvchi namunaviy ro‘yxatdir.
- Hozirgi o‘zbek adabiy tili
- O‘zbek tili fonetikasi va fonologiyasi
- O‘zbek tili leksikologiyasi va frazeologiyasi
- O‘zbek tili morfemikasi va so‘z yasalishi
- O‘zbek tili morfologiyasi
- O‘zbek tili sintaksisi
- O‘zbek tili stilistikasi va nutq madaniyati
- O‘zbek tili tarixi
- O‘zbek dialektologiyasi
- O‘zbek adabiyoti tarixi
- O‘zbek folklori
- Adabiyot nazariyasi
- Badiiy matn tahlili
- O‘zbek tilini o‘qitish metodikasi
- O‘zbek adabiyotini o‘qitish metodikasi
- Eski o‘zbek yozuvi va matnshunoslik
Majburiy fanlar bo‘yicha namunaviy savollar banki
Yo‘nalish: 60110700 — O‘zbek tili va adabiyoti. Fan nomini bossangiz 5 ta namunaviy savol ochiladi; qayta bossangiz yopiladi.
1. Hozirgi o‘zbek adabiy tili
- Hozirgi o‘zbek adabiy tilining me’yorlari va ularning turlarini izohlang.
- O‘zbek adabiy tilining fonetik, leksik va grammatik sathlari o‘rtasidagi bog‘liqlikni tushuntiring.
- Adabiy til, umumxalq tili va sheva tushunchalarini qiyoslang.
- O‘zbek imlosi va punktuatsiyasining asosiy tamoyillarini misollar bilan yoritib bering.
- Hozirgi o‘zbek adabiy tilining rivojlanish tendensiyalarini tahlil qiling.
2. O‘zbek tili fonetikasi va fonologiyasi
- O‘zbek tilidagi unli fonemalarni tasniflang.
- Undosh fonemalarning hosil bo‘lish o‘rni va usuliga ko‘ra turlarini tushuntiring.
- Fonetik o‘zgarishlar: assimilatsiya, dissimilatsiya va metatezaga misollar keltiring.
- Bo‘g‘in, urg‘u va ohangning nutqdagi vazifasini izohlang.
- Fonetik transkripsiya bilan orfografik yozuvning farqini ko‘rsating.
3. O‘zbek tili leksikologiyasi va frazeologiyasi
- Leksik ma’no va grammatik ma’no o‘rtasidagi farqni tushuntiring.
- Ko‘p ma’nolilik, omonimiya, sinonimiya va antonimiyani misollar bilan qiyoslang.
- Frazeologik birliklarning asosiy belgilarini izohlang.
- O‘zlashma so‘zlarning o‘zbek tili lug‘at tarkibidagi o‘rnini tahlil qiling.
- Faol va nofaol leksika tarkibiga kiruvchi birliklarni tavsiflang.
4. O‘zbek tili morfemikasi va so‘z yasalishi
- O‘zak, negiz va affiks tushunchalarini o‘zaro farqlang.
- So‘z yasovchi va shakl yasovchi qo‘shimchalarning vazifasini tushuntiring.
- O‘zbek tilida so‘z yasalish usullarini misollar bilan ko‘rsating.
- Berilgan so‘zni morfemik tahlil qilish bosqichlarini bayon eting.
- Morfemik tahlil bilan so‘z yasalish tahlili o‘rtasidagi farqni izohlang.
5. O‘zbek tili morfologiyasi
- So‘z turkumlarini tasniflashda qo‘llanadigan mezonlarni tushuntiring.
- Otning grammatik kategoriyalarini misollar bilan izohlang.
- Sifat darajalari va ularning ifodalanish usullarini tavsiflang.
- Fe’lning zamon, mayl, nisbat va shaxs-son kategoriyalarini tushuntiring.
- Sifatdosh, ravishdosh va harakat nomining o‘xshash hamda farqli jihatlarini qiyoslang.
6. O‘zbek tili sintaksisi
- So‘z birikmasi va gapning grammatik belgilarini qiyoslang.
- Gapning bosh va ikkinchi darajali bo‘laklarini tushuntiring.
- Sodda gaplarning tuzilish va maqsadga ko‘ra turlarini tasniflang.
- Qo‘shma gap turlari hamda ularni bog‘lovchi vositalarni misollar bilan izohlang.
- Uyushiq bo‘laklar, undalma va kirish birliklarda tinish belgilarining qo‘llanishini tushuntiring.
7. O‘zbek tili stilistikasi va nutq madaniyati
- O‘zbek tilining funksional uslublarini tavsiflang.
- Badiiy tasvir vositalarining uslubiy vazifasini misollar bilan tushuntiring.
- Nutqning to‘g‘riligi, aniqligi, mantiqiyligi va ta’sirchanligi mezonlarini izohlang.
- Rasmiy va publitsistik uslublarning o‘xshash hamda farqli jihatlarini ko‘rsating.
- Uslubiy xatolarni aniqlash va tahrir qilish usullarini bayon eting.
8. O‘zbek tili tarixi
- O‘zbek adabiy tili tarixining asosiy taraqqiyot bosqichlarini sanang.
- Qadimgi turkiy va eski turkiy til manbalarining o‘zbek tili tarixidagi o‘rnini tushuntiring.
- Eski o‘zbek adabiy tilining fonetik va grammatik xususiyatlarini izohlang.
- Tarixiy fonetik o‘zgarishlarga manbalardan misollar keltiring.
- XX asr yozuv islohotlarining o‘zbek adabiy tiliga ta’sirini tahlil qiling.
9. O‘zbek dialektologiyasi
- Sheva, lahja va dialekt tushunchalarini o‘zaro farqlang.
- O‘zbek tilining qarluq, qipchoq va o‘g‘uz lahjalarini tavsiflang.
- Shevalardagi fonetik xususiyatlarga misollar keltiring.
- Dialektologik materialni yig‘ish va tasniflash usullarini tushuntiring.
- Shevalarning adabiy tilni boyitishdagi o‘rnini tahlil qiling.
10. O‘zbek adabiyoti tarixi
- Qadimgi turkiy adabiy yodgorliklarning badiiy xususiyatlarini tushuntiring.
- Mumtoz o‘zbek adabiyotining yetakchi janrlarini tavsiflang.
- Jadid adabiyotining g‘oyaviy-estetik xususiyatlarini tahlil qiling.
- XX asr o‘zbek adabiyoti taraqqiyotining muhim bosqichlarini izohlang.
- Mustaqillik davri o‘zbek adabiyotidagi yangilanish tamoyillarini yoritib bering.
11. O‘zbek folklori
- Folklorning asosiy belgilarini va janrlar tizimini tushuntiring.
- Og‘zaki ijod bilan yozma adabiyotning o‘xshash va farqli jihatlarini qiyoslang.
- O‘zbek xalq dostonlarining syujeti va obrazlar tizimini tahlil qiling.
- Ertaklarning turlari hamda badiiy xususiyatlarini tavsiflang.
- Maqol, topishmoq va marosim qo‘shiqlarining tarbiyaviy ahamiyatini izohlang.
12. Adabiyot nazariyasi
- Adabiy tur va janr tushunchalarini misollar bilan tushuntiring.
- Syujet va kompozitsiyaning badiiy asardagi vazifasini izohlang.
- Badiiy obraz, xarakter va tip tushunchalarini qiyoslang.
- Muallif, roviy va lirik qahramon munosabatini tushuntiring.
- Badiiy konflikt turlari va ularning asar g‘oyasini ochishdagi o‘rnini tahlil qiling.
13. Badiiy matn tahlili
- Badiiy asarning mavzu va g‘oyasini aniqlash usullarini tushuntiring.
- Asar syujeti va kompozitsiyasini tahlil qilish bosqichlarini bayon eting.
- Obrazlar tizimi va xarakter yaratish vositalarini tahlil qiling.
- Muallif uslubi hamda badiiy til xususiyatlarini aniqlash mezonlarini izohlang.
- Asarni tarixiy-madaniy kontekstda tahlil qilishning ahamiyatini tushuntiring.
14. O‘zbek tilini o‘qitish metodikasi
- Ona tili ta’limining maqsad va didaktik tamoyillarini izohlang.
- Kommunikativ va kompetensiyaviy yondashuvlarning mazmunini tushuntiring.
- Ona tili darsini loyihalash bosqichlarini bayon eting.
- O‘quvchilar bilimini formativ va summativ baholash usullarini qiyoslang.
- Ona tili darslarida raqamli vositalardan samarali foydalanish yo‘llarini ko‘rsating.
15. O‘zbek adabiyotini o‘qitish metodikasi
- Adabiyot ta’limining maqsadi va metodik tamoyillarini tushuntiring.
- Badiiy asarni sinfda tahlil qilish usullarini tavsiflang.
- Ifodali o‘qish ko‘nikmasini shakllantirish metodikasini bayon eting.
- Adabiyot darslarida muammoli va loyiha asosida o‘qitishni izohlang.
- O‘quvchilarning kitobxonlik kompetensiyasini baholash mezonlarini tushuntiring.
16. Eski o‘zbek yozuvi va matnshunoslik
- Arab yozuvi asosidagi eski o‘zbek alifbosining xususiyatlarini tushuntiring.
- Qo‘lyozma matnni o‘qish va transliteratsiya qilish tamoyillarini bayon eting.
- Matnshunoslikda tayanch nusxa tanlash mezonlarini izohlang.
- Qo‘lyozma nusxalardagi matniy farqlarni aniqlash usullarini tushuntiring.
- Ilmiy-tanqidiy matn tayyorlash bosqichlarini tavsiflang.
Kurs ishlari mavzular banki
Ta’lim yo‘nalishi: 60110700 — O‘zbek tili va adabiyoti (bakalavriat). Mavzular namunaviy bo‘lib, kafedra yig‘ilishi qarori va ilmiy rahbar tavsiyasi asosida aniqlashtiriladi.
Hozirgi o‘zbek tilida neologizmlarning shakllanish va qo‘llanish xususiyatlari
Surxondaryo o‘zbek shevalarining fonetik xususiyatlari
O‘zbek tilida frazeologik birliklarning uslubiy imkoniyatlari
Alisher Navoiy g‘azallarida badiiy san’atlarning qo‘llanishi
Abdulla Qodiriy romanlarida obraz yaratish mahorati
Jadid adabiyotida ma’rifatparvarlik g‘oyalarining ifodasi
O‘zbek xalq dostonlarining poetik xususiyatlari
Ona tili darslarida interfaol metodlardan foydalanish
Adabiyot darslarida badiiy matn tahlilini tashkil etish
Zamonaviy o‘zbek she’riyatida milliy o‘zlik talqini
Bitiruv malakaviy ishlari (BMI) mavzular banki
Ta’lim yo‘nalishi: 60110700 — O‘zbek tili va adabiyoti (bakalavriat). Mavzular namunaviy bo‘lib, kafedra yig‘ilishi qarori va ilmiy rahbar tavsiyasi asosida aniqlashtiriladi.
Internet muloqotida o‘zbek adabiy tili me’yorlarining namoyon bo‘lishi
O‘zbek tilining milliy korpusidan ta’lim jarayonida foydalanish metodikasi
Surxondaryo hududi shevalarining leksik qatlamini lingvistik tahlil qilish
Hozirgi o‘zbek tilida qo‘shma gaplarning semantik-sintaktik xususiyatlari
Zamonaviy o‘zbek nasrida qahramon ruhiyatini tasvirlash vositalari
Alisher Navoiy asarlarida til va uslub masalalari
O‘zbek folklorida an’anaviy obrazlarning badiiy talqini
Ona tili darslarida media va axborot savodxonligini rivojlantirish
Adabiyot ta’limida loyiha asosida o‘qitish texnologiyasini qo‘llash
O‘quvchilarning kitobxonlik kompetensiyasini baholash mezonlarini takomillashtirish
Magistrlik dissertatsiyalari mavzular banki
Ta’lim yo‘nalishi: 70110701 — O‘zbek tili va adabiyoti (magistratura). Mavzular namunaviy bo‘lib, kafedra yig‘ilishi qarori va ilmiy rahbar tavsiyasi asosida aniqlashtiriladi.
Hozirgi o‘zbek tilida til o‘zgarishlarining korpus lingvistikasi asosida tadqiqi
O‘zbek tilidagi yangi so‘z va terminlarning kognitiv-semantik xususiyatlari
Surxondaryo o‘zbek shevalarining lingvogeografik tavsifi
O‘zbek badiiy diskursida konsept va uning lisoniy ifodasi
Mumtoz o‘zbek matnlarining ilmiy-tanqidiy nashrini tayyorlash muammolari
Jadid adabiyoti poetikasining zamonaviy talqinlari
Mustaqillik davri o‘zbek romanida tarixiy xotira va badiiy konsepsiya
O‘zbek folklor matnlarini raqamlashtirish va elektron bazasini yaratish tamoyillari
Ona tili ta’limida kompetensiyaviy topshiriqlar tizimini takomillashtirish
Adabiyot darslarida raqamli pedagogika vositalaridan foydalanish metodikasi
Ma’naviy-ma’rifiy tadbirlar fotogalereyasi
Rasmni kattalashtirib ko‘rish uchun uning ustiga bosing. Har bir rasmda alohida src va ko‘rish uchun href manzili berilgan.