

Kafedra mudiri, v.b. dotsent
Musiqa mahorati va madaniyati kafedrasi 2021-yilda tashkil etilgan. O‘zbekiston Respublikasi Prezidentining 2022-yil 21-iyundagi PQ-289-son qarori asosida Termiz davlat pedagogika instituti tashkil etilgach, institut Kengashining 2022-yil 27-avgustdagi 1-sonli bayonnomasiga muvofiq kafedra institut tuzilmasiga kiritilgan.
Kafedra dastlab “Musiqiy ta’lim” nomi bilan faoliyat boshlagan. 2024-yil 4-sentabrdan Jismoniy madaniyat va san’at fakulteti tarkibida “Musiqa mahorati va madaniyati” nomi bilan faoliyatini davom ettirmoqda.
Kafedrada 5 nafar professor-o‘qituvchi faoliyat yuritadi. Kafedrada PhD ilmiy darajasiga hamda dotsent ilmiy unvoniga ega professor-o‘qituvchilar va o‘qituvchilar talabalarga ta’lim-tarbiya berib kelmoqda. Kafedraning ilmiy salohiyati 25 foizni tashkil etadi.
Bakalavriat ta’lim yo‘nalishi bo‘yicha musiqa nazariyasi, metodikasi va ijrochilik fanlari o‘qitiladi.
Magistratura mutaxassisligi bo‘yicha ilmiy-pedagogik va ijodiy faoliyatga tayyorlash amalga oshiriladi.
Musiqiy nazariy-metodik va ijro amaliyoti fanlari bo‘yicha nazariy hamda amaliy bilimlar shakllantiriladi.
Musiqa, musiqashunoslik, musiqa pedagogikasi, musiqa tarixi, etnografiya va folklor yo‘nalishlarida tadqiqotlar olib boriladi.
Kafedra xorijiy oliy ta’lim tashkilotlari bilan talaba va professor-o‘qituvchilar almashinuvi, qo‘shma ta’lim dasturlari, ilmiy tadqiqotlar, xalqaro konferensiyalar, masofaviy ta’lim va qo‘shma onlayn kurslar yo‘nalishlarida hamkorlikni rivojlantirmoqda.
Hamkorlik doirasida zamonaviy innovatsiyalarni o‘zlashtirish, ilg‘or tajribalarni amaliyotga joriy etish, xorijiy til ko‘nikmalarini rivojlantirish va madaniy almashinuv dasturlarida ishtirok etish ko‘zda tutilgan.
Kafedraga AQSHning Kaliforniya davlat universiteti o‘qituvchisi Barton Hope Ashley tashrif buyurib, musiqa ta’limi yo‘nalishi talabalariga “Zamonaviy musiqa yo‘nalishlari” fanidan ma’ruza mashg‘ulotlari olib bordi.



Kafedra professor-o‘qituvchilari va iqtidorli talabalari institut hamda uning ishtirokidagi ichki va tashqi tadbirlarda ijodiy, tashkiliy va ilmiy yo‘nalishlarda muntazam ishtirok etib kelmoqda.



Kafedra professor-o‘qituvchilari musiqa nazariyasi, metodikasi va ijrochilik yo‘nalishlarida zamonaviy pedagogik texnologiyalardan foydalangan holda ochiq darslar tashkil etib kelmoqda.



Kafedra professor-o‘qituvchilari talabalarni ijodiy va ilmiy yo‘nalishlardagi ko‘rik-tanlovlar hamda loyihalarga tayyorlab, ularning yutuqlarga erishishiga ko‘maklashmoqda.
Musiqa ta’limi yo‘nalishi 2-kurs talabasi 2025/2026-o‘quv yili bakalavriat bosqichi bo‘yicha Rektor stipendiyasiga sazovor bo‘ldi.
Ilmiy rahbari: Zokirova Zilola A’zamovna.



Kafedrada ma’naviy-ma’rifiy ishlar rejasi ishlab chiqilgan va tasdiqlangan. Belgilangan tadbirlar o‘z vaqtida o‘tkazilib, bayonnomalar rasmiylashtirib boriladi. “Yo‘l xaritasi”da belgilangan vazifalar ham reja asosida amalga oshirilmoqda.
Yoshlarni madaniyat, san’at, jismoniy tarbiya va sportga jalb etish, axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish va xotin-qizlar bandligini ta’minlashga qaratilgan “Besh muhim tashabbus” doirasida keng ko‘lamli ishlar olib borilmoqda.




Yosh iste’dodlar
“Fortepiano” to‘garagi

“Yosh doirachilar”
to‘garagi

“Musiqa tarixi va nazariyasi”
to‘garagi

“An’anaviy xonandalik”
to‘garagi

“Sadaf” milliy cholg‘ular
ijodiy to‘garagi

“Safo” milliy ashula
ijodiy to‘garagi