Davlat oliy va kasbiy ta’lim tashkilotlariga o‘qishga kirish uchun onlayn ro‘yxatdan o‘tish tartibi bo‘yicha videoqo‘llanma tayyorlandi.
Qabul jarayonlari “avval test, so‘ng tanlov” tamoyili asosida ikki bosqichda amalga oshiriladi.
Abituriyentlar 5-iyundan 25-iyunga qadar, 25-iyun kuni ham, test sinovi topshirish uchun onlayn ro‘yxatdan o‘tadi.
Ushbu bosqichda abituriyentlar faqat test topshiriladigan fanlar majmuasi, ta’lim tili va test topshirish hududini tanlaydi. Agar kirish imtihonlari tarkibida kasbiy yoki ijodiy imtihon mavjud bo‘lsa, ushbu imtihonni topshiradigan oliy ta’lim muassasasi ham belgilanadi.
Birinchi bosqichda universitet yoki institut tanlanmaydi. Abituriyent faqat qaysi fanlardan, qaysi tilda va qaysi hududda test topshirishini belgilaydi. Test sinovlari iyul–avgust oylarida o‘tkaziladi.
Test sinovlari to‘liq yakunlanganidan so‘ng abituriyentlarga 15 kun davomida oliy ta’lim muassasasi, bakalavriat ta’lim yo‘nalishi va ta’lim shaklini tanlash imkoniyati beriladi.
Abituriyent o‘zining test natijasiga qarab qaysi oliygohning qaysi yo‘nalishiga hujjat topshirishini tanlaydi.