Termiz davlat pedagogika institutida Jismoniy madaniyat va san’at fakultetida “Kareera kuni” o‘tkazildi
2026-yil 19-mart kuni Termiz davlat pedagogika institutining Jismoniy madaniyat va san’at fakultetida “Mehnat yarmarkasi” loyihasi doirasida talabalarni bandligini ta’minlash, ularning kasbiy salohiyatini oshirish va mehnat bozoriga moslashishiga ko‘maklashish maqsadida targ‘ibot tadbiri tashkil etildi.
Tadbirda fakultet rahbariyati, professor-o‘qituvchilar, Talabalar amaliyoti bo‘limi mas’ullari hamda talabalar ishtirok etdi.
Uchrashuv davomida bitiruvchi bosqich talabalari va yoshlarning bandligini ta’minlash, ularni mutaxassisligi bo‘yicha ishga yo‘naltirish, mavjud bo‘sh ish o‘rinlari to‘g‘risida xabardor qilish masalalariga alohida e’tibor qaratildi.
Tadbir davomida talabalar bilan ochiq muloqot tashkil etilib, ularning kelgusidagi mehnat faoliyati, ishga joylashishdagi mavjud muammolari va kasbiy rejalari yuzasidan fikr almashildi. Talabalarning savollariga mas’ullar tomonidan tegishli tushuntirish va tavsiyalar berildi.
Tadbirda so‘zga chiqqan Talabalar amaliyoti bo‘limi boshlig‘i F. Pardayev yoshlar bandligini ta’minlash davlat siyosatining ustuvor yo‘nalishlaridan biri ekanligini ta’kidlab, bugungi kunda yoshlarning bilim va salohiyatini ro‘yobga chiqarish, ularni munosib ish o‘rinlariga joylashtirish hamda tadbirkorlik tashabbuslarini qo‘llab-quvvatlash borasida yaratilayotgan imkoniyatlar haqida batafsil ma’lumot berdi.
Shu bilan birga, har bir talaba o‘z mutaxassisligini puxta egallashi, zamonaviy bilim va ko‘nikmalarni shakllantirishi hamda mehnat bozorida raqobatbardosh mutaxassis bo‘lishga intilishi lozimligi qayd etildi.
Mazkur tadbir talabalarni ish bilan ta’minlashga ko‘maklashish, bitiruvchilarning kelgusidagi kasbiy faoliyatiga yo‘nalish berish, ish beruvchilar bilan hamkorlik aloqalarini mustahkamlash hamda yoshlar bandligini ta’minlash borasida muhim ahamiyat kasb etdi.
Talabalar amaliyoti bo‘limi boshlig‘i F. Pardayev