Qabul vaqti:Payshanba, shanba (14:00 dan 15:00 gacha)
Texnologiya va geografiya kafedrasi faoliyati haqida
Texnologiya kafedrasi O‘zbekiston Respublikasi Vazirlar Mahkamasining Termiz davlat universitetining Pedagogika instituti faoliyatini tashkil etish chora-tadbirlari to‘g‘risidagi 140-son qarori asosida 2022–2023-o‘quv yilida o‘z faoliyatini boshlagan. Kafedra nomi 2024–2025-o‘quv yilidan “Texnologiya va geografiya” deb nomlandi.
Professor-o‘qituvchilar tarkibi: kafedrada hozirda 25 nafar professor-o‘qituvchi faoliyat ko‘rsatadi. Shundan 22 nafari asosiy shtatda, 3 nafari ichki o‘rindoshlik asosida ishlaydi.
Kafedrada 3 nafar professor, 3 nafar dotsent, 7 nafar ilmiy darajaga ega katta o‘qituvchi, 2 nafar katta o‘qituvchi va o‘qituvchilar faoliyat yuritib kelmoqda.
Ilmiy salohiyat: kafedraning ilmiy salohiyati 52 foizni tashkil etadi. Kafedra professor-o‘qituvchilari ilmiy-tadqiqot ishlari bilan muntazam shug‘ullanib, o‘quv-uslubiy va ilmiy faoliyatni rivojlantirib kelmoqdalar.
Ta’lim yo‘nalishlari
2025–2026-o‘quv yilida kafedra bakalavriat va magistratura bosqichlarida texnologik ta’lim hamda geografiya yo‘nalishlari bo‘yicha kadrlar tayyorlashga xizmat qilmoqda.
Texnologik ta’lim
60111300 – kunduzgi, kechki, sirtqi va sirtqi ikkinchi oliy ta’lim shakllari.
Geografiya
60111000 – Geografiya va iqtisodiy bilim asoslari; 60530200 – Geografiya.
Magistratura
70112301 – Ta’lim va tarbiya nazariyasi va metodikasi (Texnologik ta’lim); 70530203 – Aniq va tabiiy fanlarni o‘qitish metodikasi (Geografiya).
Kafedra rahbarlari
2024-yil sentabr oyidan 2026-yil mart oyigacha kafedra mudiri lavozimida pedagogika fanlari bo‘yicha falsafa doktori (PhD) Allamuradov Anvar Abdurasulovich faoliyat yuritgan.
2026-yil mart oyidan hozirgi vaqtgacha kafedra mudiri lavozimida pedagogika fanlari bo‘yicha falsafa doktori (PhD) Alimnazarov Olim Mengliboy o‘g‘li faoliyat yuritib kelmoqda.
Professor-o‘qituvchilar ro‘yxati, lavozimlari va telefon raqamlari taqdim etilgan Word hujjati asosida joylashtirildi.
Kafedrada o‘qitiladigan fanlar
Fanlar bakalavriat va magistratura ta’lim yo‘nalishlari bo‘yicha guruhlandi. Kerakli yo‘nalish nomini bossangiz, fanlar ro‘yxati ochiladi.
60111300 – Texnologik ta’lim, kunduzgi (bakalavr) 14 ta fan
Materialshunoslik asoslari
Gazlama materiallarga ishlov berish va buyumlar tayyorlash texnologiyasi
Chizma geometriya va muhandislik grafikasi
Metall va metallmas materiallarga ishlov berish va buyumlar tayyorlash texnologiyasi
Texnik mexanika
Elektrotexnika, elektronika va elektryuritmalar
Robototexnika asoslari
Xalq hunarmandchiligi va badiiy loyihalash
Tikuv buyumlarini konstruksiyalash va modellashtirishning avtomatlashtirilgan tizimlari
Texnologik jarayonlarni loyihalash va raqamli modellashtirish
Texnologiya fanini interaktiv va kompetensiyaviy o‘qitish metodikasi
Maxsulot sifati va standart asoslari
Kasb-hunarga yo‘naltirish
Oziq-ovqat mahsulotlari tayyorlash texnologiyasi
60111300 – Texnologik ta’lim, kechki (bakalavr) 14 ta fan
Materialshunoslik asoslari
Gazlama materiallarga ishlov berish va buyumlar tayyorlash texnologiyasi
Chizma geometriya va muhandislik grafikasi
Metall va metallmas materiallarga ishlov berish va buyumlar tayyorlash texnologiyasi
Texnik mexanika
Elektrotexnika, elektronika va elektryuritmalar
Robototexnika asoslari
Xalq hunarmandchiligi va badiiy loyihalash
Tikuv buyumlarini konstruksiyalash va modellashtirishning avtomatlashtirilgan tizimlari
Texnologik jarayonlarni loyihalash va raqamli modellashtirish
Texnologiya fanini interaktiv va kompetensiyaviy o‘qitish metodikasi
Maxsulot sifati va standart asoslari
Kasb-hunarga yo‘naltirish
Oziq-ovqat mahsulotlari tayyorlash texnologiyasi
60111300 – Texnologik ta’lim, sirtqi (bakalavr) 18 ta fan
Gazlamalar materialshunosligi
Chizma geometriya va muhandislik grafikasi
Metall va metallmas buyumlarga ishlov berish texnologiyasi
Gazlamalarga ishlov berish praktikumi
Materialshunoslik va konstruksion materiallar
Tikuv buyumlarini konstruksiyalash va modellashtirishning avtomatlashtirilgan tizimlari
Texnik mexanika
Elektrotexnika, elektronika va elektryuritmalar
Robototexnika asoslari
Texnologiya ta’limi metodikasi
Xalq hunarmandchiligi va badiiy loyihalash
Oziq-ovqat mahsulotlari tayyorlash texnologiyasi
Gazlama materiallardan buyum tayyorlash texnologiyasi
Metrologiya, standartlashtirish va sertifikatsiyalashtirish
Texnik ijodkorlik va konstruksiyalash
Kasb-hunarga yo‘naltirish
Texnologik jarayonlarni loyihalashtirish
Metall va metallmas materiallardan buyum tayyorlash texnologiyasi
60111000 – Geografiya va iqtisodiy bilim asoslari, kunduzgi (bakalavr) 11 ta fan
Umumiy yer bilimi
Topografiya va kartografiya asoslari
Geologiya. Tuproqlar geografiyasi
Tabiiy geografiya
Ekologiya va tabiatni muhofaza qilish
Aholi geografiyasi va demografiya asoslari
Sanoat va qishloq xo‘jalik geografiyasi
Iqtisodiy va ijtimoiy geografiya
Geotoponimika
Geografiya o‘qitish metodikasi
Iqtisodiy bilim asoslarini o‘qitish metodikasi
60530200 – Geografiya, kunduzgi (bakalavr) 13 ta fan
Geomorfologiya va geologiya asoslari
Biogeografiya
Iqlimshunoshlik va gidrologiya
Umumiy tabiiy geografiya
Tuproqlar geografiyasi
Tabiiy fanlar va geografiya o‘qitish metodikasi
O‘zbekiston geografiyasi
Topografiya, kartografiya va GAT
Jahon geografiyasi
Landshaftshunoslik
Aholi geografiyasi va demografiya asoslari
Geoekologiya va landshaft ekologiyasi
Jahon xo‘jaligi geografiyasi
70112301 – Ta’lim va tarbiya nazariyasi va metodikasi (Texnologik ta’lim), magistratura 7 ta fan
Kasbga yo‘naltirish diagnostikasi
Texnologik madaniyat va kompetentlik asoslari
Texnologiya ta’limida uzviylik
Xalq hunarmandchiligiga kreativ yondashuv
Texnologik ta’limning prognostikasi
Xalqaro tadqiqotlar va ta’limda innovatsion texnologiyalar
STEAM va SMART ta’lim texnologiyalari
70530203 – Aniq va tabiiy fanlarni o‘qitish metodikasi (Geografiya), magistratura 4 ta fan
Geografiya nazariyasi va tarixi
Zamonoviy geografiyaning asosiy muammolari
Hududiy ishlab chiqarish majmualari
STEAM va SMART ta’lim texnologiyalari
Bitiruv malakaviy ish mavzulari
60111300 – Texnologik ta’lim, kunduzgi 30 ta mavzu
Texnologiya darslarida o‘quvchilarning texnik kompetensiyalarini rivojlantirish metodikasi.
Texnologiya darslarida umumkasbiy fanlarni kompyuter dasturlari orqali o‘rganish metodlari.
Texnologiya darslarida o‘quvchilarni tayyorlashda mustaqil ishlarning innovatsion shakl va metodlaridan foydalanish.
O‘quvchilarni xalq hunarmandchiligiga o‘rgatish jarayonida ijodkorlik kompetensiyalarini shakllantirish.
Zamonaviy kiyim modellarida milliy bezak elementlaridan foydalanish.
Texnologiya fani darslarida kasb-hunarga yo‘naltirish ishlarini amalga oshirishning ilmiy-pedagogik asoslari.
Bo‘lajak texnologiya fani o‘qituvchisining kasbiy kompetensiyalarini rivojlantirish metodikasi.
O‘quvchilarning kasb-hunar tanlashda qiziqish, qobiliyat va moyilliklarini uyg‘unlashtirish metodikasi.
Texnologiya fani darslarida “Xalq hunarmandchiligi” texnologiyasi bo‘limini o‘qitish metodikasi.
Texnologiya fani darslarida “Taomlar tayyorlash” texnologiyasi bo‘limini o‘qitish metodikasi.
Texnologiya fanidan o‘quvchilarga metall bilan ishlashni o‘rgatishda innovatsion texnologiyalarni qo‘llashni rivojlantirish.
Talabalarning texnik kreativligini rivojlantirishda o‘qitish texnologiyalarining uzviylik prinsiplari.
Elektr tarmoqlari bilan ishlash bo‘yicha amaliy topshiriqlar to‘plamini ishlab chiqish.
Texnologiya fanidan STEAM yondashuvi asosida o‘quv jarayonini tashkil etish metodikasi.
Texnologiya darslarida raqamli texnologiyalar va sun’iy intellektdan foydalanish imkoniyatlari.
Elektron darsliklar asosida texnologiya fanini o‘qitish samaradorligini oshirish metodlari.
Texnologiya fanini o‘qitishda interaktiv elektron materiallar va dars taqdimotlarini yaratish metodikasi.
Texnologiya fanini o‘qitishda interfaol usullardan foydalanish metodikasi.
Texnologiya fanini o‘qitishda zamonaviy axborot-kommunikatsiya va multimediya texnologiyalarining qo‘llanilishi.
Texnologik ta’limda STEAM ta’lim yondashuvi asosida darslarni tashkil etish.
Metall va yog‘ochga ishlov berish mashg‘ulotlarida xavfsizlik qoidalarini o‘rgatish.
Sun’iy intellekt asosidagi o‘quv dasturlaridan texnologik ta’limda foydalanish istiqbollari.
Texnologiya fanini o‘qitishda innovatsion ta’lim texnologiyalarini qo‘llash.
Xalq amaliy san’atini o‘quv jarayonida interfaol metodlar asosida o‘rgatish.
Texnologiya fanida o‘quvchilarning texnik ijodkorlik faoliyatini rivojlantirish usullari.
Texnologiya darslarida yog‘ochga ishlov berish mashg‘ulotlarini loyihaviy metod asosida tashkil etish.
Maktab o‘quvchilari uchun “Robototexnika” moduli asosida loyihaviy darslarni tashkil etish.
Texnologiya fanida milliy hunarmandchilikni zamonaviy dizayn bilan uyg‘unlashtirish metodikasi (7-sinf misolida).
Texnologiya darslarida raqamli texnologiyalardan foydalanish samaradorligi.
Yog‘ochga ishlov berish jarayonlarini modellashtirish va uni o‘qitish metodikasi (6-sinf misolida).
60530200 – Geografiya, kunduzgi 24 ta mavzu
Denov tumanining Surxondaryo viloyati iqtisodiyotida tutgan o‘rni va istiqbollari.
Surxondaryo viloyatining rekreatsion salohiyati (ziyoratgohlar va xalq hunarmandchiligi misolida).
Mulkchilik munosabatlari o‘zgarishi sharoitida bozor va tadbirkorlikning shakllanishi hamda rivojlanishi.
Denov tumani aholisining shakllanishi va joylashishida migratsiyaning o‘rni (Farg‘onaliklarning ko‘chirib keltirilishi misolida).
Farg‘ona vodiysida ziyorat turizmini rivojlantirishning iqtisodiy-geografik xususiyatlari.
Surxondaryo viloyatida transport tarmoqlarini rivojlantirish va uning kelajak istiqbollari.
O‘zbekistonning tekislik qismida suv resurslaridan foydalanish masalalari (Buxoro viloyati misolida).
Surxondaryo viloyati ziyorat turizmi va uning geografik omillari.
Surxondaryo viloyati joy nomlarining geografik xususiyatlari.
5–7-sinf o‘quvchilariga tabiiy fanlarni o‘qitish metodikasi.
O‘zbekiston hududidagi tog‘ tizmalarida ekoturizmning rivojlanishi.
Tabiiy fanlar darslarida o‘quvchilarning geografik tafakkurini rivojlantirish metodlari.
Surxondaryo viloyatida sel suvlaridan oqilona foydalanishning dolzarbligi va ahamiyati (Surxon suv ombori misolida).
Surxondaryo viloyatining gastronomik turizm salohiyati va uni rivojlantirish istiqbollari.
Surxondaryo viloyatida aholi dinamikasining geografik xususiyatlari.
Surxondaryo viloyati geografik o‘rnining viloyat ijtimoiy-iqtisodiy taraqqiyotiga ta’siri.
Surxondaryo viloyati yer usti suv zaxiralari va ulardan samarali foydalanish bosqichlari.
Mintaqalar ijtimoiy-iqtisodiy taraqqiyotiga geografik o‘rinning ta’siri (Surxondaryo viloyati misolida).
Geografiya darslarida o‘quvchilar bilimini baholashga zamonaviy yondashuvlar (summativ va formativ baholash misolida).
Surxondaryo viloyatida milliy an’ana va urf-odatlarning tarixiy taraqqiyoti hamda xususiyatlari.
O‘zbekiston iqtisodiyotida ekologik omillar va yashil iqtisodiyot tendensiyalari.
Raqamli iqtisodiyotning rivojlanish bosqichlari va imkoniyatlari.
O‘zbekistonda tashqi savdo siyosati va iqtisodiy rivojlanish bosqichlari.
Magistrlik dissertatsiya mavzulari
70112301 – Ta’lim va tarbiya nazariyasi va metodikasi (Texnologik ta’lim) 8 ta mavzu
Dual ta’lim tizimi samaradorligini ta’minlashning pedagogik shart-sharoitlari (texnikumlar misolida) ilmiy tahlili.
Umumta’lim maktablari o‘quvchilarining sun’iy intellekt texnologiyalaridan foydalanish madaniyatini shakllantirish metodikasini o‘rganish (7-sinf o‘quvchilari misolida).
Summativ baholash sharoitida o‘quvchilarning tikuvchilikka oid tayanch kompetensiyalarini shakllantirish metodikasini o‘rganish (9-sinf o‘quvchilari misolida).
Texnologiya fanidan amaliy mashg‘ulotlarda o‘quvchilarga zamonaviy tikuv texnologiyalaridan foydalanish metodikasini tahlil qilish (9-sinflar misolida).
O‘quvchilarda mustaqil ta’limni tashkil etishda raqamli texnologiyalardan foydalanish kompetentligini shakllantirish metodikasini o‘rganish (texnikumlar misolida).
Umumta’lim maktablari o‘quvchilarining robototexnika bo‘yicha ijodiy kompetentligini oshirish metodikasi.
Umumta’limda o‘quvchilarning funksional savodxonligini shakllantirish metodikasini o‘rganish.
O‘quvchilarning texnik kreativligini shakllantirishda o‘qitish texnologiyalarining uzviylik prinsiplari tahlili.
70530203 – Aniq va tabiiy fanlarni o‘qitish metodikasi (Geografiya) 4 ta mavzu
Surxondaryo va Samarqand viloyatlari turizm salohiyatining qiyosiy tahlili.
Bobotog‘ etagi aholisining shakllanishi va rivojlanish xususiyatlari (Denov, Qumqo‘rg‘on, Sho‘rchi va Uzun tumanlari misolida).
Surxondaryo viloyati Amudaryo bo‘yi tumanlarida qishloq xo‘jaligi va qayta ishlash sanoatining joylashuvi (Termiz, Angor va Muzrabot tumanlari misolida).
Geografiya fanini o‘qitishda o‘lkashunoslik materiallaridan foydalanish metodikasi.
Kafedraning ilmiy yo‘nalishi
Texnologiya va geografiya kafedrasi ta’lim, fan va ishlab chiqarish integratsiyasini ta’minlash, zamonaviy ilmiy tadqiqotlarni rivojlantirish hamda innovatsion yondashuvlarni o‘quv jarayoniga tatbiq etishga yo‘naltirilgan ilmiy faoliyatni amalga oshiradi. Kafedra professor-o‘qituvchilari va tadqiqotchilari mamlakatimizning ta’lim tizimi hamda hududlarning barqaror rivojlanishiga xizmat qiluvchi dolzarb ilmiy yo‘nalishlarda izlanishlar olib boradilar.
Texnologik ta’limni modernizatsiya qilish va o‘qitish metodikasini takomillashtirish.
Bo‘lajak texnologiya va geografiya fani o‘qituvchilarining kasbiy hamda pedagogik kompetensiyalarini rivojlantirish.
STEAM ta’limi, raqamli texnologiyalar va sun’iy intellektni o‘quv jarayoniga integratsiya qilish.
Texnik ijodkorlik, robototexnika va innovatsion loyihalar asosida amaliy ko‘nikmalarni rivojlantirish.
Milliy hunarmandchilik, amaliy san’at va zamonaviy dizayn yo‘nalishlarida ilmiy-metodik tadqiqotlar.
Geografik ta’limni rivojlantirish, zamonaviy pedagogik va axborot-kommunikatsiya texnologiyalarini joriy etish.
Hududlarning tabiiy resurslari, turizm salohiyati, rekreatsion imkoniyatlari hamda ijtimoiy-iqtisodiy rivojlanishining geografik jihatlarini o‘rganish.
Ekologik barqarorlik, yashil iqtisodiyot, suv resurslaridan oqilona foydalanish va atrof-muhit muhofazasi bo‘yicha ilmiy izlanishlar.
Kafedra ilmiy faoliyati doirasida fundamental, amaliy va innovatsion tadqiqotlar olib borilib, ularning natijalari xalqaro va respublika miqyosidagi ilmiy jurnallarda chop etiladi, ilmiy-amaliy konferensiyalarda taqdim etiladi hamda o‘quv jarayoniga tatbiq etiladi. Professor-o‘qituvchilar, mustaqil izlanuvchilar va iqtidorli talabalar ilmiy loyihalar, grantlar hamda xo‘jalik shartnomalari asosida olib borilayotgan tadqiqotlarda faol ishtirok etadilar.
Kafedra ishlab chiqarish korxonalari, umumiy o‘rta ta’lim maktablari, professional ta’lim muassasalari, davlat va nodavlat tashkilotlari bilan ilmiy hamkorlikni yo‘lga qo‘ygan. Ilmiy ishlanmalarni amaliyotga joriy etish, ta’lim sifatini oshirish va hududlarning innovatsion rivojlanishiga xizmat qilish kafedraning ustuvor vazifalaridan biri hisoblanadi.
Xalqaro hamkorlik va akademik almashinuv dasturlari
Texnologiya va geografiya kafedrasi xorijiy oliy ta’lim tashkilotlari bilan samarali hamkorlik o‘rnatishni maqsad qilgan. Ushbu hamkorlik talabalar hamda kafedra professor-o‘qituvchilarining akademik almashinuvi orqali ikki tomonlama tajriba almashish, qo‘shma ta’lim dasturlarini ishlab chiqish va sifatli kadrlar tayyorlash imkoniyatlarini yaratishga xizmat qiladi. Ilmiy-tadqiqot yo‘nalishida qo‘shma loyihalarni amalga oshirish, xalqaro konferensiyalar tashkil etish hamda Scopus va Web of Science kabi nufuzli bazalarda indekslanuvchi jurnallarda ilmiy maqolalar chop etish rejalashtirilgan.
Termiz davlat pedagogika institutining bir guruh professor-o‘qituvchilari, jumladan kafedra professor-o‘qituvchilari E. To‘raqulov va A. Qurbonov Chexiya Respublikasining Praga shahrida Praga menejment va texnologiya instituti tomonidan Pragadagi Chexiya hayotiy fanlar universiteti bilan hamkorlikda tashkil etilgan xizmat safarida ishtirok etishdi.
Termiz davlat pedagogika instituti va Praga menejment va texnologiya instituti hamkorligi doirasida amalga oshirilgan professor-o‘qituvchilarni rivojlantirish dasturi professional tajriba almashish, zamonaviy ta’lim yondashuvlarini rivojlantirish va akademik hamkorlikni mustahkamlashga xizmat qiladigan platformaga aylandi.
Ilmiy tadbirlar va xalqaro konferensiyalar
Oliy ta’lim, fan va innovatsiyalar vazirligining 2024-yil 18-yanvardagi 16-sonli buyrug‘i ijrosini ta’minlash maqsadida 2025-yil 15–16-oktabr kunlari Termiz davlat pedagogika instituti Tabiiy va aniq fanlar fakulteti Texnologiya va geografiya kafedrasida onlayn va offlayn shaklda xalqaro ilmiy-amaliy anjuman tashkil etildi.
“Pedagogik ta’lim klasteri sharoitida bo‘lajak o‘qituvchilarni tayyorlashning dolzarb muammolari”
Konferensiya sho‘balari
Markaziy Osiyoda umumiy o‘rta, professional va oliy ta’lim muassasalari o‘rtasidagi uzviy va uzluksiz hamkorlik aloqalarining ta’lim sifati va kadrlar tayyorlash jarayonidagi o‘rni hamda ahamiyati.
Pedagogik ta’lim klasterida bo‘lajak o‘qituvchilarni tayyorlash jarayonini raqamlashtirishning global tendensiyalari: mintaqaviy muammolar va yechimlar.
Fan, ta’lim va ishlab chiqarishning samarali integratsiyasi hamda geografik omillari.
Texnologik rivojlanish va ishlab chiqarish jarayonlarida inson omilining hal qiluvchi ahamiyati.
O‘qitish jarayonida zamonaviy pedagogik texnologiyalar va vositalarni qo‘llashning dolzarb muammolari hamda ularning yechimlari.
Konferensiyada institut rektori, soha prorektorlari, respublikamizdagi yetakchi olimlar, shuningdek Yaponiya, AQSh, Malayziya, Rossiya, Tojikiston va Afg‘onistonlik xalqaro olimlar onlayn hamda offlayn shaklda ishtirok etishdi.
Ma’naviy-ma’rifiy tadbirlar
Texnologiya va geografiya kafedrasida ma’naviy-ma’rifiy ish rejasi ishlab chiqilgan va tasdiqlangan. Rejada belgilangan tadbirlar o‘z vaqtida o‘tkazilib, bayonnomalar rasmiylashtirilgan. 2024–2025-yillarda amalga oshirish bo‘yicha “Yo‘l xaritasi”da belgilangan vazifalar reja asosida bajarilmoqda.
Kafedrada yoshlarni madaniyat, san’at, jismoniy tarbiya va sportga keng jalb etish, axborot texnologiyalaridan foydalanish ko‘nikmalarini shakllantirish, kitobxonlikni targ‘ib qilish va xotin-qizlar bandligini ta’minlashga qaratilgan “Besh muhim tashabbus” doirasida keng ko‘lamli ishlar olib borilmoqda. Shuningdek, yoshlarni ona Vatanga, oilaga va mustaqillik g‘oyalariga muhabbat va sadoqat, milliy hamda umuminsoniy qadriyatlarga hurmat ruhida tarbiyalashga alohida e’tibor qaratiladi.