Maktabgacha ta’limda tarbiyani tashkil etish va inklyuziv ta’lim kafedrasi 2024-yilda tashkil etilgan. Kafedrada 17 nafar professor-o‘qituvchi asosiy shtatda faoliyat ko‘rsatadi.
Kafedrada 5 nafar pedagogika fanlari bo‘yicha falsafa doktori (PhD), 3 nafar katta o‘qituvchi va 9 nafar o‘qituvchi faoliyat yuritmoqda. Kafedraning ilmiy salohiyati 29,5 foizni tashkil etadi.
Kafedra quyidagi bakalavriat ta’lim yo‘nalishlari uchun mutaxassislik fanlarini o‘qitish bilan shug‘ullanadi:
Maktabgacha ta’limda tarbiyani tashkil etish va inklyuziv ta’lim kafedrasi bugungi kunda ta’lim, ilm-fan va innovatsiyalarni o‘zida mujassam etgan yetakchi akademik markazlardan biri sifatida rivojlanib bormoqda. Kafedra faoliyati maktabgacha ta’lim tizimi uchun zamonaviy bilim va kompetensiyalarga ega, yuksak kasbiy mahoratli pedagog kadrlarni tayyorlashga qaratilgan bo‘lib, ta’lim jarayonida ilg‘or pedagogik texnologiyalar va innovatsion yondashuvlardan samarali foydalanilmoqda.
Kafedra tomonidan inklyuziv ta’limni rivojlantirish, maxsus ehtiyojli bolalarni jamiyatga muvaffaqiyatli integratsiya qilish hamda maktabgacha ta’lim muassasalarida sifatli tarbiya jarayonini tashkil etishga qaratilgan ilmiy-amaliy loyihalar amalga oshirilmoqda. Professor-o‘qituvchilarning ilmiy salohiyati, zamonaviy pedagogik tajribalarga tayangan holda olib borayotgan tadqiqotlari va xalqaro ilmiy hamjamiyat bilan hamkorligi kafedraning ilmiy nufuzini yildan-yilga oshirib bormoqda.
Kafedra xorijiy oliy ta’lim muassasalari bilan hamkorlik aloqalarini kengaytirish, qo‘shma ta’lim dasturlarini joriy etish, akademik mobillikni rivojlantirish hamda xalqaro grant va loyihalarda faol ishtirok etishni ustuvor vazifalardan biri sifatida belgilagan. Bu talaba va professor-o‘qituvchilarga ilg‘or xorijiy tajribalarni o‘rganish, ilmiy izlanishlar olib borish va xalqaro ta’lim maydonida o‘z salohiyatini namoyon etish imkoniyatini yaratmoqda.
Shuningdek, kafedrada raqamli pedagogika, sun’iy intellekt texnologiyalaridan ta’lim jarayonida foydalanish, STEAM ta’limi, innovatsion tarbiya metodlari hamda bolalarning intellektual va ijtimoiy-emotsional rivojlanishini qo‘llab-quvvatlashga qaratilgan zamonaviy dasturlar ishlab chiqilmoqda. Ushbu tashabbuslar maktabgacha ta’lim sifatini yangi bosqichga olib chiqishga xizmat qilmoqda.
O‘zbekiston Respublikasi Prezidentining “Ma’muriy islohotlar doirasida oliy ta’lim, fan va innovatsiyalar sohasida davlat boshqaruvini samarali tashkil qilish chora-tadbirlari to‘g‘risida” 2023-yil 4-iyuldagi PQ-200-son qarorining 9-bandida belgilangan topshiriq ijrosini ta’minlash maqsadida Termiz davlat pedagogika institutida ushbu Respublika ilmiy-amaliy konferensiyasi tashkil etildi.
Konferensiyada institut rektori, soha prorektorlari, vohadagi yetakchi professorlar hamda Amerika, Hindiston va boshqa mamlakatlardan ta’lim jarayonini o‘rganish maqsadida tashrif buyurgan tadqiqotchi-olimlar onlayn va oflayn shaklda ishtirok etdilar.
Kafedraning barcha o‘qituvchilari turli musobaqalar va ilmiy jarayonlarda faol qatnashib, yutuq, diplom va sertifikatlar bilan taqdirlangan. Kafedrada xorijiy til sertifikatiga ega o‘qituvchilar mavjud.
Mutaxassislik fanlari xalqaro ta’lim sifati standartlariga mos tarzda tashkil etilib, talabalar bilimi xolis baholab boriladi.
Talabalar fikr-mulohazalari va qayta aloqa tizimi: talabalar fikrini tinglash va baholash jarayonining shaffofligini ta’minlash maqsadida qayta aloqa mexanizmi yo‘lga qo‘yilgan.
Apellyatsiya jarayoni: yakuniy nazorat natijalari e’lon qilingandan so‘ng 24 soat ichida talabalar kafedra apellyatsiya komissiyasiga murojaat qilish imkoniyatiga ega.
Adolatli baholash: apellyatsiya jarayoni baholashdagi noaniqliklarni bartaraf etish va talabalar fikrini inobatga olishga xizmat qiladi.
Doimiy fikr-mulohazalar: ta’lim sifati bo‘yicha so‘rovnomalar va tahliliy hisobotlar muntazam o‘tkazilib, murojaatlar o‘rganiladi.
Olingan natijalar asosida o‘quv jarayonini yanada takomillashtirishga qaratilgan chora-tadbirlar ishlab chiqiladi.
Kafedra qoshida talabalarning bo‘sh vaqtini mazmunli o‘tkazish va ta’lim jarayonini chuqurroq o‘rganishga qaratilgan ilmiy, sport, ijodiy, multimedia va fan to‘garaklari tashkil etilgan.
Talabalarning ilmiy-tadqiqot faoliyatiga qiziqishini oshiradi, ilmiy maqola va tezislar tayyorlash ko‘nikmalarini rivojlantiradi.
Kasbiy bilim va kompetensiyalarni mustahkamlaydi, nazariy bilimlarni amaliyot bilan uyg‘unlashtiradi.
Sog‘lom turmush tarzini targ‘ib etadi, jismoniy faollik va sport mahoratini rivojlantiradi.
Talabalarning ijodiy qobiliyatlarini rivojlantirib, badiiy, madaniy va ma’naviy tadbirlarda ishtirok etishga yo‘naltiradi.
Raqamli texnologiyalar va media vositalaridan foydalanish ko‘nikmalarini shakllantiradi.
Mazkur to‘garaklar doirasida tanlovlar, mahorat darslari, seminarlar va amaliy loyihalar tashkil etilib, talabalarning bilim, ko‘nikma va ijodiy salohiyatini rivojlantirishga keng imkoniyatlar yaratiladi.
Rahbarlar: M. Quvvatova, Q. Allaberdiyeva, Sh. Kadirova
A’zolar: 20 nafar
Rahbarlar: G. Xolboyeva, M. Erkinova
A’zolar: 20 nafar
Rahbarlar: S. Abdumajidova, B. Rayimov
A’zolar: 17 nafar
Rahbar: A. Turdiyev
A’zolar: 18 nafar
Rahbar: M. Suyunova
A’zolar: 20 nafar
Maktabgacha ta’limda tarbiyani tashkil etish va inklyuziv ta’lim kafedrasida ma’naviy-ma’rifiy ish rejasi ishlab chiqilgan va tasdiqlangan. Ish reja asosida belgilangan kunlarda barcha tadbirlar o‘z vaqtida o‘tkazilib, bayonnomalar rasmiylashtirilgan. O‘quv yili mobaynida ma’naviy-ma’rifiy tadbirlarni amalga oshirish bo‘yicha “Yo‘l xaritasi”da belgilangan vazifalar reja asosida amalga oshirilmoqda.
Kafedrada yoshlarni madaniyat, san’at, jismoniy tarbiya va sportga keng jalb etish, yoshlarda axborot texnologiyalaridan foydalanish ko‘nikmalarini shakllantirish, ular o‘rtasida kitobxonlikni targ‘ib qilish va xotin-qizlar bandligini ta’minlashga qaratilgan “Besh muhim tashabbus”ni amalga oshirish bo‘yicha keng ko‘lamli ishlar olib borilmoqda.
Yoshlarni ona Vatanga, oilaga va mustaqillik g‘oyalariga muhabbat va sadoqat, milliy hamda umuminsoniy qadriyatlarga hurmat ruhida tarbiyalash yo‘nalishiga alohida e’tibor qaratiladi.