Termiz davlat pedagogika institutida amalga oshirilgan ishlar haqida ma’lumot
O‘zbekiston Respublikasi Prezidentining 2020-yil 27-fevraldagi PQ–4623-sonli
“Pedagogik ta’lim sohasini yanada rivojlantirish chora-tadbirlari to‘g‘risida”
qaroriga muvofiq, Toshkent davlat pedagogika universitetining Termiz filiali hamda
Termiz davlat universitetining pedagogika yo‘nalishidagi bakalavriat ta’lim yo‘nalishlari
va magistratura mutaxassisliklari negizida Termiz davlat universitetining Pedagogika instituti
tashkil etilganligi ma’lumot uchun qabul qilinadi.
Institutning shakllanish bosqichlari
2018
O‘zbekiston Respublikasi Vazirlar Mahkamasining 2018-yil 5-martdagi 170-son qaroriga asosan
Nizomiy nomidagi Toshkent davlat pedagogika universitetining Termiz filiali tashkil etildi.
2021
O‘zbekiston Respublikasi Vazirlar Mahkamasining 2021-yil 16-martdagi 141-son qarori bilan filial
va Termiz davlat universitetining pedagogika ta’lim sohasi negizida Termiz davlat universitetining
Pedagogika institutiga aylantirildi.
2022
O‘zbekiston Respublikasi Prezidentining 2022-yil 21-iyundagi PQ–289-son qarori bilan
Termiz davlat pedagogika instituti tashkil qilindi.
2025
O‘zbekiston Respublikasi Prezidentining 2025-yil 28-apreldagi PF–73-son Farmoni bilan institut
Maktabgacha va maktab ta’limi vazirligi tizimiga o‘tkazildi.
Asosiy ko‘rsatkichlar
35,4%
Ilmiy salohiyat
302
Professor-o‘qituvchilar
11
Fan doktorlari
96
Falsafa doktorlari
10 874
Jami talabalar
2 200
Bandligi ta’minlangan bitiruvchilar
35
Moliyalashtirilgan loyihalar
2,1 mlrd
“Kelajakka qadam” dasturi mablag‘i
Ta’lim, amaliyot va ijtimoiy qo‘llab-quvvatlash
Ta’lim va amaliyot
- 18 ta maktab va 2 ta bog‘chada kafedra filiallari tashkil etildi.
- 3 283 nafar talabaning amaliyoti dual ta’lim — 4+2 shaklida tashkil etildi.
- Dual ta’lim jarayonida ishtirok etgan talabalarning 518 nafari ish bilan band qilindi.
- Hudud maktablarining 317 nafar o‘qituvchiga bo‘lgan ehtiyoji qoplandi.
- Olis hududlardagi 19 800 nafar o‘quvchi uchun onlayn darslar tashkil etildi.
Ijtimoiy qo‘llab-quvvatlash
- 661 nafar ijtimoiy ko‘makka muhtoj, yetim va nogiron talaba moddiy rag‘batlantirildi.
- Talabalarni moddiy qo‘llab-quvvatlash uchun 489 mln so‘m mablag‘ yo‘naltirildi.
Xalqaro hamkorlik
Hamkorlik va xalqaro loyihalar
- Hamkor oliy ta’lim muassasalari soni 51 taga yetkazildi.
- Institutga 133 nafar xorijlik professor-o‘qituvchi jalb qilindi.
- 90 nafar professor-o‘qituvchi xorijda malaka oshirdi.
- 2 ta xalqaro loyiha amalga oshirildi, umumiy qiymati 400 ming AQSH dollarini tashkil etdi.
- Rossiya va Fransiya bilan 2 ta qo‘shma ta’lim dasturi yo‘lga qo‘yilib, 61 nafar talaba qabul qilindi.
Xalqaro sertifikatlar va markazlar
- AQSH hamda Rossiya bilan hamkorlikda TOEFL iBT va TELC xalqaro til markazlari faoliyati yo‘lga qo‘yildi.
- Xalqaro sertifikatga ega professor-o‘qituvchilar soni 159 nafarga, ya’ni 52 foizga yetkazildi.
- Xalqaro sertifikatga ega talabalar soni 4 070 nafarga, ya’ni 40 foizga yetkazildi.
- Institutda logopediya va eksperimental psixologiya laboratoriyalari hamda inkubatsiya markazlari tashkil qilindi.
Ma’naviy-ma’rifiy ishlar
Talabalar yutuqlari
- Prezident va nomdor stipendiatlar soni 23 nafarga yetdi.
- Xalqaro va respublika miqyosidagi fan va sport musobaqalarida 24 nafar talaba sovrindor bo‘ldi.
- Sovrinlar tarkibi: 8 ta oltin, 3 ta kumush va 13 ta bronza medal.
Talabalar faolligi
- Talabalarning ilmiy, ijodiy, sport va ijtimoiy faolligini oshirishga qaratilgan tizimli ishlar amalga oshirildi.
- Iqtidorli talabalarni aniqlash, qo‘llab-quvvatlash va rag‘batlantirish mexanizmlari kengaytirildi.
Ilmiy-innovatsion faoliyat
Ilmiy kengash va doktorantura
- 13.00.01 — Pedagogika nazariyasi hamda 13.00.02 — Ta’lim va tarbiya nazariyasi va metodikasi ixtisosliklari bo‘yicha PhD ilmiy darajasini beruvchi Ilmiy kengash ochildi.
- 13.00.01, 13.00.02, 11.00.05 va 02.00.14 ixtisosliklari bo‘yicha doktorantura faoliyati yo‘lga qo‘yildi.
- TerDPI ilmiy-uslubiy jurnali faoliyati yo‘lga qo‘yildi.
Ilmiy natijalar
- Scopus va Web of Science ma’lumotlar bazalarida 76 ta maqola nashr etildi.
- 116 ta monografiya, xalqaro va respublika jurnallarida 1 044 ta maqola chop etildi.
- 6 ta patent hamda 105 ta mualliflik guvohnomasi olindi.
- Indoneziyaning “UI GreenMetric” agentligi reytingida Termiz davlat pedagogika instituti dunyoning ilg‘or 1000 ta oliy ta’lim muassasasi qatorida 790-o‘rinni egalladi.
Xorijiy oliy ta’lim muassasalaridan beg‘araz yordam sifatida 114 878 AQSH dollari,
darslik va o‘quv qo‘llanmalar orqali 15 000 AQSH dollari, xorijiy grantlar orqali
12 620 AQSH dollari jalb qilindi. Shuningdek, “O‘zbekiston–Xitoy” xalqaro qo‘shma
105-tanloviga umumiy qiymati 5,8 mlrd so‘m bo‘lgan 2 ta yirik loyiha ishlab chiqilib taqdim etildi.
Moddiy-texnik bazani mustahkamlash
Energiya va infratuzilma
- Termiz shahar Tinchlik MFY Shimoliy suv to‘plash va tarqatish inshooti hududiga 500 kVt quvvatga ega quyosh panellari o‘rnatildi.
- DXSh asosida 400 o‘rinli talabalar turar joyi qurib bitkazilib, foydalanishga topshirildi.
- DXSh asosida 1 500 o‘rinli o‘quv binosi qurib bitkazilib, foydalanishga topshirildi.
Laboratoriyalar
- Kimyo va biologiya laboratoriya xonalari tashkil qilindi.
- Zarur laboratoriya jihozlari xarid qilinib, foydalanishga topshirildi.