Bo‘lim boshlig‘i: Berdiyev Shahzod Nabidjonovich
Bo‘lim: Xodimlar bo‘limi
Telefon: +998 93 765 77 77
e-mail: Shahzodberdiev@bk.ru
Telegram: +998 93 765 77 77
Xodimlar bo‘limi institutning hamda amaldagi qonunchilik talablariga muvofiq xodimlar bilan ishlash, kadrlar hisobini yuritish, ishga qabul qilish, boshqa lavozimga o‘tkazish, mehnat shartnomalarini rasmiylashtirish, xodimlar hujjatlarini yuritish va bo‘lim faoliyatiga oid ishlarni muvofiqlashtirish bilan shug‘ullanadi.
Bo‘lim faoliyatini tashkil etish: Bo‘lim ish faoliyati va uning bevosita boshqaruvini tashkil etadi, bo‘lim faoliyatiga oid ishlarni muvofiqlashtiradi va rejalashtiradi.
Vakolat doirasidagi masalalarni hal etish: Bo‘lim vakolatiga kiruvchi masalalarni hal etish bo‘yicha qaror qabul qiladi, yuklatilgan vazifalar va funksiyalarning bajarilishi bo‘yicha shaxsan javobgarlikni o‘z zimmasiga oladi.
Kadrlarni tanlash va joy-joyiga qo‘yish: Ma’muriy-boshqaruv, muhandis-texnik, o‘quv-yordamchi kadrlar va xizmat ko‘rsatadigan xodimlarni tanlash hamda joy-joyiga qo‘yish bo‘yicha materiallar tayyorlaydi.
Rahbar xodimlar zaxirasini shakllantirish: Rahbar xodimlar zaxirasini shakllantiradi va tayyorlaydi, ularni rivojlantirish bo‘yicha tegishli takliflar beradi.
Ishga qabul qilish va ishdan bo‘shatish: Ishga qabul qilish, ishdan bo‘shatish va boshqa ishga ko‘chirish masalalari bo‘yicha xodimlarni qabul qiladi hamda tegishli hujjatlarni rasmiylashtiradi.
Xodimlardan to‘g‘ri foydalanishni nazorat qilish: Institut bo‘limlarida xodimlarning joylashishi va ulardan to‘g‘ri foydalanilayotganligini nazorat qiladi.
Yosh mutaxassislar bilan ishlash: Tegishli bo‘lim rahbarlari bilan birgalikda institut ixtiyoriga ajratilgan yosh mutaxassislarni ishga qabul qilish va joylashtirishni ta’minlaydi.
Mehnat hujjatlarini rasmiylashtirish: Mehnat qonunchiligiga binoan xodimlarni ishga qabul qilish, boshqa ishga ko‘chirish va bo‘shatish hujjatlarini o‘z vaqtida rasmiylashtiradi.
Mehnat daftarchalarini yuritish: Mehnat daftarchalarini to‘ldirish, hisobga olish va saqlash ishlarini belgilangan tartibda amalga oshiradi.
Shaxsiy varaqalarni yuritish: Ilmiy-pedagogik xodimlar, xizmatchilar va institutda o‘qiyotgan talabalar shaxsiy varaqalarini yuritishni nazorat qiladi.
Rag‘batlantirish va taqdirlash hujjatlari: Institut kasaba uyushmasi qo‘mitasi bilan birgalikda xodimlarni rag‘batlantirish va taqdirlashga tavsiya etish uchun hujjatlarni tayyorlashni tashkil etadi.
Nafaqa hujjatlarini tayyorlash: Xodimlar va ularning oila a’zolariga nafaqa tayinlash uchun kerakli hujjatlarni ijtimoiy ta’minot bo‘limlariga tayyorlaydi.
Ilmiy kengashga hujjatlar tayyorlash: Xodimlar masalalari bo‘yicha institut ilmiy kengashi yig‘ilishiga zarur hujjatlarni tayyorlaydi.
Tanlov hujjatlarini rasmiylashtirish: Tanlovdan o‘tgan shaxslarga tanlov buyruqlarini rasmiylashtiradi.
Mehnat intizomini ta’minlash: Mehnat va axloqiy intizomni ta’minlaydi, xodimlarning qo‘nimsizligi, intizomga rioya etmaslik holatlari va ishga sababsiz chiqmaslik sabablarini tahlil qiladi.
Ta’til jadvalini yuritish: Dekanat, kafedra va bo‘limlar tavsiyasi bilan ta’til jadvalini tuzadi hamda uning ijrosini tekshiradi.
Mehnat tartibini nazorat qilish: Institut bo‘limlarida mehnat intizomi va mehnat tartibi qoidalariga rioya etilishini nazorat qiladi.
Mehnat shartnomalari va buyruqlar: Professor-o‘qituvchilar, ma’muriy-xo‘jalik va o‘quv-yordamchi xodimlar bilan tuziladigan mehnat shartnomalari hamda mehnat munosabatlariga oid buyruq loyihalarini tayyorlaydi.
Normativ hujjatlarni ishlab chiqish: Rejalar, nizomlar, instruktiv, normativ va boshqa hujjatlarni ishlab chiqadi.
Xodimlar tarkibini shakllantirish: Institut professor-o‘qituvchilari, ma’muriy-xo‘jalik va o‘quv-yordamchi xodimlari tarkibini shakllantirish, ishga qabul qilish, boshqa lavozimga o‘tkazish va mehnat shartnomasini bekor qilish bo‘yicha rahbariyatga takliflar taqdim etadi.
Murojaatlarni ko‘rib chiqish: Jismoniy va yuridik shaxslar murojaatlarini belgilangan tartibda ko‘rib chiqadi.
Davlat attestatsiyasiga ko‘maklashish: Institut rahbar xodimlari, professor-o‘qituvchilari va xodimlarining davlat attestatsiyasini tashkil etishda ko‘maklashadi.
Davlat mukofotlari va pensiya hujjatlari: Davlat mukofotlariga tavsiya etilgan xodimlarning hujjatlarini rasmiylashtiradi hamda pensiya yoshiga yetgan xodimlarning pensiyaga oid hujjatlarini tayyorlaydi.
Vakant lavozimlar bo‘yicha tanlov: Institut kafedralaridagi bo‘sh o‘rinlarga professor-o‘qituvchilarni ishga qabul qilish uchun matbuot orqali tanlov e’lon qiladi.
Talabalar hujjatlarini qabul qilish: Bakalavriat talabalari safiga qabul qilingan shaxslarning hujjatlarini qabul komissiyasidan qabul qilib oladi va institut arxiviga topshirilguniga qadar saqlaydi.
Diplom va ilovalarni rasmiylashtirish: Davlat attestatsiyalarini muvaffaqiyatli topshirgan talabalarga davlat namunasidagi diplomlar va ularning ilovalarini rasmiylashtirib berishni tashkillashtiradi va tarqatadi.
Akademik ma’lumotnomalar: Boshqa oliy o‘quv yurtiga o‘qishi ko‘chirilgan yoki o‘qishdan chetlashtirilgan talabalarning hujjatlarini rasmiylashtiradi va ularga taqdim etadi.
So‘rovnomalarga javob tayyorlash: Professor-o‘qituvchilar, xodimlar va bitiruvchilarga berilgan diplom hamda sertifikatlarning haqiqiyligini tasdiqlash yuzasidan kelgan so‘rovnomalarga javob xatlari tayyorlaydi.
Ma’lumotlar bazasini yuritish: Bitiruvchilarga berilgan diplomlar va sertifikatlar bo‘yicha axborot-tahliliy ma’lumotlar bazasini yaratadi.
Veb-sayt ma’lumotlarini yangilash: Institut veb-saytining “Interaktiv xizmatlar” ruknidagi “Vakant lavozimlar” va “Diplom olganlik to‘g‘risida ma’lumot” qismlariga muntazam ravishda yangi ma’lumotlar kiritib boradi.
Elektron mehnat tizimlari: Mehnat.uz va “Yagona milliy mehnat tizimi” elektron ma’lumotlar bazasiga xodimlarning mehnat faoliyatiga oid ma’lumotlarni kiritib boradi.