Termiz davlat pedagogika institutida 2026-yil 28-iyul kuni "Mehnat yarmarkasi" loyihasi doirasida tadbir o'tkazilgani to'g'risida

Termiz davlat pedagogika institutining Tillar fakultetida 2026-yil 28 may kuni talabalar uchun "Karyera kuni" tadbiri tashkil etildi. Tadbirning maqsadi talabalarda kasbiy yo'nalish bo'yicha tasavvur hosil qilish, ularni mehnat bozori talablari bilan tanishtirish hamda ishga joylashish va tadbirkorlik faoliyatini boshlashga yo'naltirishdan iborat bo'ldi.

Tadbirda fakultet professor-o'qituvchilari, "Tadbirkorlik asoslari" fani o'qituvchilari hamda Talabalar amaliyoti bo'limi xodimlari ishtirok etdi. Talabalarga mavjud bo'sh ish o'rinlari, ishga joylashish tartibi, amaliyot va stajirovka imkoniyatlari haqida ma'lumot berildi. Shuningdek, tadbirkorlikni boshlash uchun imtiyozli kredit olish shartlari hamda kredit mablag'larini maqsadli va oqilona sarflash qoidalari tushuntirildi.

Tadbir doirasida talabalarga quyidagi masalalar bo'yicha amaliy tavsiyalar berildi:

  • o'z mutaxassisligi va qiziqishiga mos karyera yo'nalishini tanlash;
  • rezyume va motivatsion xat tayyorlash;
  • ish beruvchi bilan suhbatdan muvaffaqiyatli o'tish va muloqot madaniyati;
  • chet tillarini bilishning mehnat bozoridagi ahamiyati va kasbiy imkoniyatlari;
  • biznes g'oyani shakllantirish va rejalashtirish;
  • kredit olish uchun zarur hujjatlarni tayyorlash.

Tadbir davomida talabalar bilan davra suhbati o'tkazildi. Suhbatda talabalar o'zlarini qiziqtirgan savollar bilan murojaat qilib, ishga joylashish, kasbiy rivojlanish va o'z biznesini boshlash bo'yicha aniq javoblar oldi.

Tadbirda so'zga chiqqan Talabalar amaliyoti bo'limi boshlig'i F.Pardayev davlatimiz rahbari tomonidan yoshlar uchun yaratilayotgan imkoniyatlar, jumladan, ta'lim, kasb tanlash, ish bilan ta'minlash va tadbirkorlikni boshlash borasidagi shart-sharoitlar, imtiyozli kredit va qo'llab-quvvatlash mexanizmlari haqida so'zlab berdi. F.Pardayev ta'kidlaganidek, yoshlar uchun yaratilayotgan imkoniyatlar ularning mehnat bozorida o'z o'rnini topishi, mustaqil daromad manbaiga ega bo'lishi va jamiyat taraqqiyotiga hissa qo'shishi uchun mustahkam zamin bo'lib xizmat qiladi.

Mazkur tadbir talabalarning kasbiy yo'nalishini to'g'ri belgilashiga, mehnat bozoriga bo'lgan qiziqishini oshirishga hamda kelajakda ishga joylashish yoki o'z biznesini yo'lga qo'yishga bo'lgan ishonchini mustahkamlashga xizmat qildi.

Talabalar amaliyoti bo'limi boshlig'i F.Pardayev