Termiz davlat pedagogika instituti Yoshlar ittifoqi boshlang‘ich tashkiloti yetakchisi
O‘zbekiston yoshlar ittifoqi jismonan sog‘lom, ma’nan yetuk va intellektual rivojlangan, mustaqil fikrlaydigan yosh avlodni shakllantirish, yoshlarning huquq va qonuniy manfaatlarini himoya qilish, ularning ijtimoiy faolligini oshirish hamda tashabbuslarini qo‘llab-quvvatlash maqsadida faoliyat yurituvchi nodavlat notijorat tashkilotidir.
Termiz davlat pedagogika instituti Yoshlar ittifoqi boshlang‘ich tashkiloti institut talaba-yoshlari bilan tizimli ishlash, ularning ijtimoiy-siyosiy faolligini oshirish, ma’naviy-ma’rifiy, sport, ijodiy va intellektual yo‘nalishlardagi tashabbuslarini qo‘llab-quvvatlashga xizmat qiladi.
Yoshlarni mamlakatimizda amalga oshirilayotgan demokratik, siyosiy, iqtisodiy va ijtimoiy islohotlar jarayoniga faol jalb etish, jamiyatda tinchlik, hamjihatlik va barqarorlikni mustahkamlash, yosh avlodning huquqlari, erkinliklari va qonuniy manfaatlarini samarali himoya qilishdan iborat.
Ittifoqning maqsad va vazifalarini qo‘llab-quvvatlash istagini bildirgan, 14 yoshga to‘lgan va 30 yoshdan oshmagan O‘zbekiston Respublikasi fuqarolari hamda O‘zbekiston Respublikasida muntazam yashab kelayotgan fuqaroligi bo‘lmagan shaxslar belgilangan tartibda Ittifoqqa a’zo bo‘lishlari mumkin.
Shuningdek, yoshlar sohasidagi nodavlat notijorat tashkilotlari, korxona, muassasa va tashkilotlar hamda ta’sis hujjatlari Ittifoqning ustav maqsadlariga zid bo‘lmagan boshqa yuridik shaxslar ham Ittifoqqa a’zo bo‘lishlari mumkin.
Institut Yoshlar ittifoqi boshlang‘ich tashkiloti qoshida talaba-yoshlarning bo‘sh vaqtini mazmunli tashkil etish, ularning bilim, ko‘nikma va iqtidorini rivojlantirish maqsadida turli klublar, til kurslari hamda to‘garaklar faoliyati yo‘lga qo‘yilgan.
Talaba-yoshlarning taklif, tashabbus va murojaatlarini o‘rganish, ularga amaliy ko‘mak berish maqsadida institut Yoshlar ittifoqi boshlang‘ich tashkiloti qoshida murojaatlar bilan ishlash tizimi yo‘lga qo‘yilgan.