Moliya-iqtisod ishlari bo‘yicha prorektor lavozimi vazifalari
O‘zbekiston Respublikasi qonunlari, Prezident farmonlari va farmoyishlari, Oliy Majlis va Vazirlar Mahkamasining ta’lim va kadrlar tayyorlash sohasidagi qarorlarini amalga oshirishni tashkil etish;
Davlat ta’lim standartlari asosida moliyaviy ishlarni tashkil etish va malakali kadrlar tayyorlashni ta’minlash;
Mutasaddi yuqori tashkilotlarning buyruqlarini, farmoyishlari va ko‘rsatmalarini, moliyaviy-iqtisodiy jarayonlariga oid masalalar bo‘yicha OTMsi Kengashi qarorlari va rektor buyruqlarining bajarilishini tashkil qilish;
Ilg‘or mamlakatlar ta’lim tizimining rivojlanish tendensiyalarini o‘rganish, “Ta’lim to‘g‘risida”gi qonun, “Kadrlar tayyorlash milliy dasturi” va boshqa ta’limga oid qonunlar ko‘rsatilgan vazifalarni amalga oshirish borasidagi uslub va vositalarni ishlab chiqish va ularning amalga oshirilishini ta’minlash;
Faoliyat yo‘nalishi bo‘yicha takliflar tayyorlash va ishlarni tashkil etish;
Texnik xizmat ko‘rsatish bo‘limlari ishiga yordamlashuvchi xodimlar shtatlari bo‘yicha takliflarni ishlab chiqish va bo‘limlarni malakali kadrlar bilan ta’minlash ishlarini tashkil etish;
O‘quv xonalaridan unumli foydalanish, kafedra, o‘quv xonalari, laboratoriyalar, xo‘jalik va madaniy-maishiy muassasalarini, institut tizimi bo‘linmalarini materiallar, asbob-uskunalar, anjomlar bilan texnik jihozlashni takomillashtirish masalalarini ishlab chiqish;
Institutning xo‘jalik xizmatlari, madaniy-maishiy muassasalariga, auditoriya, laboratoriya, xonalar, o‘quv-sport bazalari, talabalar turar joylari, oshxona va bufetlarning zaruriy sanitariya-gigiena holatini ta’minlash va qurilish, kapital, joriy ta’mirlash ishlarini tashkil etish;
Institut hududida va talabalar turar joylarini obodonlashtirish rejalarini ishlab chiqadi va amalga oshiradi, o‘quv binolarini, talabalar turar joylarini hamda ularning atrofini obodonlashtirishda, talabalarni o‘z-o‘ziga xizmatini tashkil etadi;
Institut moddiy boyliklarining kirim va chiqim bo‘yicha hujjatlarini rasmiylashtiradi;
Omborlardan berilayotgan moddiy boyliklar talabnomalariga imzo chekadi, vakolatlar beradi, eskirgan, xizmat muddatini o‘tab bo‘lgan material va mulklarni hisobdan chiqaradi;
Bo‘sh qolgan binolardan unumli foydalanish maqsadida ijaraga berishga shartnomalar tuzadi va boshqa tadbirkorlik ishlarini tashkil etib, institut moliyaviy ahvolini yaxshilashga chora-tadbirlar ko‘radi, talabalarni shartnoma asosida o‘qitishdan tushgan mablag‘larni nazorat etadi;
Ijro intizomini buzgan xodimlarga nisbatan chora ko‘rish, ular bilan shartnomani bekor qilish bo‘yicha takliflar tayyorlash;
Bo‘limlarning yillik faoliyati hisobotlarini o‘tkazish, tahlil qilish va xulosalar chiqarish.