Termiz davlat pedagogika institutida 2026-yil 17-aprel kuni Termiz shahridagi "Bobur" istirohat bog'ida viloyat oliy ta'lim muassasalari talabalari va bitiruvchilari uchun "Kelajakka qadam" kasb ko'rgazmasi o'tkazilganligi haqida MA’LUMOT
Tadbir yoshlarning kasb tanlashi, bandligi va tadbirkorlik faoliyatini boshlashi uchun imkoniyatlarni bir joyga jamlagan amaliy muloqot maydoni vazifasini bajardi.
"Kelajakka qadam" dasturi Prezidentning 2025-yil 14-fevraldagi "Oliy ta'lim tashkilotlari bitiruvchilarining ishga joylashishiga ko'maklashish bo'yicha qo'shimcha chora-tadbirlar to'g'risida"gi qarori asosida amalga oshiriladi. Dasturni "O'zmilliybank" AJ huzuridagi "Kelajakka qadam" markazi muvofiqlashtiradi. Dastur bitiruvchilarni ishga joylashtirish, ularni kasbga yo'naltirish va biznes g'oyalarini imtiyozli moliyalashtirishni nazarda tutadi.
200 dan ortiq korxona va tashkiloti o'z stendlarida bo'sh ish o'rinlari, amaliyot va stajirovka imkoniyatlarini taqdim etdi. Tadbirda viloyat oliy ta'lim muassasalarining talabalari va bitiruvchilari, shu jumladan Termiz davlat pedagogika instituti talabalari faol qatnashdi.
Ayrim talabalar korxona va tashkilotlar bilan kelgusida hamkorlik qilish bo'yicha shartnomalar imzoladi. Ko'rgazma ishtirokchilari bo'sh ish o'rinlari, amaliyot imkoniyatlari va tadbirkorlikni moliyalashtirish shartlari haqida bevosita ma'lumot oldi.
Ko'rgazma bitiruvchilar bilan ish beruvchilar o'rtasida vositachilarsiz aloqa o'rnatish imkonini berdi. Shuningdek, "Kelajakka qadam" dasturining kredit va qo'llab-quvvatlash mexanizmlarini yoshlarga amaliy tushuntirdi. Bu esa bitiruvchilarning mehnat bozoriga kirishini osonlashtiradi va yosh tadbirkorlar sonining ko'payishiga xizmat qiladi.
Talabalar amaliyoti bo‘limi boshlig‘i F.Pardayev