Yoshlar bilan ishlash, ma'naviyat va ma’rifat bo‘limi boshlig'i
Abdunabiyev Sunnat Ne’mat o‘g‘li
Yoshlar bilan ishlash, ma’naviyat va ma’rifat
bo‘limi boshlig‘i
Telefon:
+998 91 589 79 96
Email:
sunnatabdunabiyev@terdpi.uz
Telegram: +998 91 589 79 96
Qabul vaqti: Har kuni 14:00–16:00
Yoshlar bilan ishlash, ma’naviyat va ma’rifat
bo‘limi
Mustaqil Respublikamizning istiqboli har jihatdan yuksak
malakali va ma’naviyatli kadrlar tayyorlashga
bog‘liq. Xususan, Prezidentimizning
ma’naviy-ma’rifiy va milliy g‘oyamizga oid
barcha ta’limotlarini yoshlarga yetkazish universitetning
yoshlar bilan ishlash, ma’naviyat va ma’rifat
bo‘limining asosiy vazifasidir.
Yoshlar bilan ishlash, ma’naviyat va ma’rifat
bo‘limi O‘zbekiston Respublikasining
Konstitutsiyasi va qonunlari, O‘zbekiston Respublikasi
Prezidenti farmon, qaror va farmoyishlari, O‘zbekiston
Respublikasi Vazirlar Mahkamasi qarorlari, Oliy va
o‘rta maxsus ta’lim vazirligi buyruqlari hamda
universitet ichki tartib-qoidasi va ushbu bo‘lim
Nizomiga binoan faoliyat ko‘rsatadi.
Yoshlar bilan ishlash, ma’naviyat va ma’rifat
bo‘limining asosiy maqsadi — talaba-yoshlarni
milliy va umuminsoniy qadriyatlarga sodiqlik ruhida
tarbiyalash, ularning ma’naviy, estetik, axloqiy
dunyoqarashini kengaytirish, tafakkurini turli xil yot
g‘oyalar ta’siridan himoya qilish hamda
mustaqil O‘zbekistonning chinakam fidoyi,
vatanparvar shaxsi sifatida tarbiyalashdan iborat.
Ma’naviy-ma’rifiy va tarbiyaviy ishlarning
asosiy yo‘nalishlari
-
Talabalarni milliy va umuminsoniy qadriyatlar asosida
mustaqil O‘zbekiston Respublikasining haqiqiy
fuqarolari etib shakllantirish.
-
Vatan oldidagi fuqarolik va farzandlik vazifalarini
sidqidildan bajarishga tayyorlash.
-
Talabalarda kasb-hunarni mukammal egallash
mas’uliyatini oshirish.
-
Talabaning shaxs sifatidagi o‘ziga xos individual
fazilatlarini shakllantirish va takomillashtirish.
-
Talabalar orasida ijtimoiy faollik, tashabbuskorlik,
o‘qishga va kasbga hurmat hamda ijtimoiy
mas’ullik hissini keng targ‘ib qilish.
-
Talabalarning ijtimoiy-siyosiy va huquqiy ongini
rivojlantirish, ularda tanqidiy va tahliliy fikrlash
ko‘nikmalarini kengaytirish.
-
Talaba-yoshlarga adolatsizlik, ta’magirlik va
mahalliychilik kabi salbiy illatlarning oqibatlarini
anglatish.
-
Talaba-yoshlarning bo‘sh vaqtini mazmunli tashkil
etish, ularning qiziqishlari asosida ilmiy-ijodiy
faoliyatini yo‘lga qo‘yish.
-
Manzilli ma’naviy-axloqiy va tarbiyaviy ishlarni
takomillashtirib borish.
Bo‘limning asosiy vazifalari
-
Mamlakatimizda amalga oshirilayotgan islohotlarni
talaba-yoshlar orasida keng targ‘ib etish.
-
Talaba-yoshlar orasida axloqiy, estetik, siyosiy,
huquqiy va badiiy tarbiyani shakllantirish ishlarini
yo‘lga qo‘yish.
-
Milliy urf-odatlar va qadriyatlar targ‘ibotiga
bag‘ishlangan anjumanlar, davra suhbatlari va
uchrashuvlarni tashkil etish.
-
Talabalarning ma’naviy va jismoniy kamolotini
yuksaltirish ishlarini takomillashtirishga
ko‘maklashish.
-
Universitetda ma’naviy, ma’rifiy va tarbiyaviy
ishlarning ustuvor yo‘nalishlarini belgilash,
zarur me’yoriy hujjatlarni ishlab chiqish va
ularning amalga oshirilishini ta’minlash.
-
Diniy ekstremizm, terrorizm, giyohvandlik va uyushgan
jinoyatchilikka qarshi kurash borasida talaba-yoshlar
orasida mafkuraviy immunitetni qaror toptirish.
-
Yoshlarning musiqa, rassomlik, adabiyot, teatr va
san’atning boshqa turlariga qiziqishlarini
oshirish, iste’dodini yuzaga chiqarishga
ko‘maklashish.
-
Yoshlarni jismoniy chiniqtirish, ularning sport
sohasidagi qobiliyatini namoyon qilishi uchun zarur
sharoitlar yaratish.
-
Yoshlar ma’naviyatini oshirish va ular orasida
kitobxonlik madaniyatini yuksaltirish.
-
Talaba-qizlarning kasb-hunar egallashiga
ko‘maklashish ishlarini tizimli tashkil etish.
-
Respublika Ma’naviyat va ma’rifat markazining
shahar va tuman bo‘limlari, shuningdek,
mamlakatimizda faoliyat olib borayotgan jamg‘armalar
va jamoat tashkilotlari bilan hamkorlikda
ma’naviy-ma’rifiy ishlarni takomillashtirishda
faol ishtirok etish.
Institutdagi Yoshlar bilan ishlash, ma’naviyat va
ma’rifat bo‘limining ishlarini bevosita
yoshlar masalalari va ma’naviy-ma’rifiy
ishlar bo‘yicha direktor o‘rinbosari
muvofiqlashtiradi va nazorat qiladi.
2024–2026-yillarda amalga oshirilgan ishlar
bo‘yicha hisobot materiallari
Termiz davlat pedagogika institutida yoshlar bilan ishlash,
ma’naviyat va ma’rifat yo‘nalishida
2024–2026-yillar davomida amalga oshirilgan ishlar,
erishilgan natijalar va asosiy ko‘rsatkichlar
yuzasidan tayyorlangan ma’lumotlar quyidagi
hujjatlarda taqdim etilgan.