O‘quv-metodik ta’minot bo‘limi boshlig‘i vazifalari
Institut ta’lim yo‘nalishlari va mutaxassisliklari o‘quv rejasidagi fanlarning o‘quv adabiyotlari bilan ta’minlanganlik holatlarini tanqidiy tahlil qilgan holda, fakultetlar va kafedralarning o‘quv va uslubiy adabiyotlarga bo‘lgan ehtiyojini o‘rganadi hamda tegishli takliflar tayyorlaydi.
Rektor va Kengash yig‘ilishlari kun tartibiga sohaga tegishli dolzarb masalalar yuzasidan takliflar kiritadi hamda bu borada ma’lumotlarning sifatli tayyorlanishini ta’minlaydi.
O‘quv-uslubiy boshqarmada tayyorlanayotgan hujjatlarni institut bo‘lim boshliqlari hamda dekanlari bilan hamkorlikda muvofiqlashtiradi.
Institut ilmiy-uslubiy Kengashi yig‘ilishlari kun tartibiga oid masalalarni tayyorlaydi.
O‘quv-uslubiy masalalar bo‘yicha fakultet va kafedralar Kengash rahbarlari seminarlarini tashkillashtiradi.
Institut a’zo bo‘lgan Muvofiqlashtirish soha kengashi faoliyatida, jumladan majlislarida ishtirok etadi.
Professor-o‘qituvchilarning mutaxassislik, ilg‘or pedagogik va axborot texnologiyalari bo‘yicha tegishli muddatlarda malaka oshirish rejalarini tuzadi va ijrosini nazorat qiladi.
Institut bakalavriat ta’lim yo‘nalishlari va magistratura mutaxassisliklari o‘quv rejalari fanlar bo‘yicha zarur o‘quv adabiyotlar ro‘yxatini hamda nashr etish rejasini shakllantiradi.
Institutda eng yaxshi o‘quv adabiyotlari yillik tanlovlarini o‘tkazadi va natijalarini vazirlikka taqdim etadi.
Institut bakalavriat ta’lim yo‘nalishlari va uning negizidagi magistratura mutaxassisliklarini o‘quv adabiyotlari bilan ta’minlashni tashkil qiladi.
Belgilangan nominatsiyalar bo‘yicha institutda “Eng yaxshi” pedagog tanlovini o‘tkazadi va natijalarini vazirlikka taqdim etadi.
Ilmiy-uslubiy kengashlarga tegishli ma’lumotlarni tayyorlaydi.
Pedagog kadrlar va rahbar xodimlarni qayta tayyorlash va malakasini oshirish jarayonini tashkil etadi, hujjatlarni tayyorlaydi hamda jarayonni nazorat qiladi.
O‘quv reja va o‘quv dastur — sillabuslarning tuzilishini va tayyorlanishini nazorat qiladi.
Institutda masofaviy ta’lim shakli uchun tayyorlangan kontentlarning fanning o‘quv dasturiga mosligi hamda elektron platformaga kiritilganligini tahlil qiladi.
Institut fakulteti dekanatlaridagi o‘quv-me’yoriy hujjatlarning yuritilishini nazorat qiladi.
Sifat nazorati hay’ati orqali o‘quv mashg‘ulotlarining sifat darajasini oshirishga erishish, yosh pedagog kadrlar malakasini oshirish ishlarini takomillashtirish yuzasidan takliflar ishlab chiqadi.
Institutda fakultet va kafedralari bilan hamkorlikda o‘quv-me’yoriy hujjatlarni ishlab chiqadi va tasdiqlashga kiritadi.
O‘quv-uslubiy jarayon bo‘yicha prorektor va boshqarma boshlig‘ining tegishli topshiriqlarini bajaradi.