Termiz davlat pedagogika institutida "Milliy qadriyatlar sayli" o‘tkazildi

15-may kuni Termiz shahrida joylashgan "Yoshlar bog‘i" da "Milliy qadriyatlar sayli" Termiz davlat pedagogika instituti tomonidan tashkillashtirildi. Unda institut rektori A.Xasanov boshchiligida rahbariyat a’zolari, fakultet dekanlari, professor-o‘qituvchilar talabalar va mahalla vakillari ishtirok etishdi. 
Yoshlarni bir manzilda jamlagan sayl bayramona tus olib, talabalar tomonidan laparlar, terma ashulalar ijro etilib, polvonlar kurash, tosh ko‘tarish, arqon tortish bo‘yicha bellashishdi. Shuningdek, dizayner talabalarimiz tomonidan "Liboslar ko‘rgazmasi" namoyish etilib, oshpazlarimiz "Osh chempionati"da ishtirok etdilar.