"Talabalar almashinuvi" dasturi doirasida tahsil olgan talabalarning o'quv jarayonlari yakunlandi
Avval xabar berganimizdek, Termiz davlat pedagogika institutiga "Talabalar almashinuvi" dasturi doirasida Shadrinsk davlat pedagogika universitetining 3 nafar talabalari tashrif buyurgan edi. Bugun mazkur dastur doirasida o'quv jarayonlari yakunlandi va institut rektori A.Xasanov bilan uchrashuv tashkil etildi.
Uchrashuv samimiy ruhda o'tkazilib, talabalar 2 oy davomida o'qituvchilardan olgan bilimlari, ta'lim jarayonlarining farqli jihatlari va institutda olgan taassurotlari haqida so'zlab, "4+2" dasturi katta qiziqish uyg'otganligini ta'kidlashdi.
Yakunda rektor ikki oliygoh o'rtasida hamkorlik aloqalari uzoq davom etishiga ishonch bildirdi va talabalarning darslarda faol qatnashganligi va fanlarni puxta o'zlashtirganligi uchun sertifikat hamda esdalik sovg'alari bilan taqdirladi.