Muzokaralar davom etadi

Avval xabar qilganimizdek shu kunlarda Termiz davlat pedagogika instituti rektori boshchiligidagi delegatsiya Qozon Federal universitetida bo'lib turibdi. Xizmat safar davomida delegatsiya a'zolari Qozon Federal universiteti Elabuga instituti rahbariyati bilan uchrashuv o'tkazishdi.

Dastlab, uchrashuvda tomonlar o'z ta'lim muassalalari haqida ma'lumotlar berishdi va hamkorlikda professor-o'qituvchilar va talabalar uchun manfaatli bo'lgan loyihalarni amalga oshirishga kelishildi. Shuningdek, institut qoshida joylashgan maktab faoliyati bilan tanishildi. Fizika-matematika, Tarix, Yurisprudensiya va Filologiya fakulteti professor-o'qituvchilari bilan suhbatlashilib, o'quvchilar uchun yaratilgan sharoitlar, IT, robotexnika va mexatronika darslarida ishtirok etildi.