Institut xalqaro ekspertalarni taklif etgan holda “Suv –ob hayot” mavzusida konferensiya o‘tkazdi.
Mamlakatimizda suv xo‘jaligini rivojlantirish maqsadida oxirgi 10 yilda 1,5 milliard dollardan ortiq mablag‘ ajratildi. Bu mablag‘lar 20 dan ortiq yirik investitsiya loyihalariga sarflandi. So‘nggi yillarda 1,5 ming kilometr kanallar, 400 yirik gidrotexnik inshootlar, 200 nasos stansiyalari, 386,0 ming gektar sug‘oriladigan yerlar rekonstruksiya qilindi. Kanallar va gidrotexnik inshootlar texnik holati yaxshilandi. Shuningdek, har yili 5,0 ming km magistral kanallar,100 ming km ichki sug‘orish va nov tarmoqlari, 10 ming dona gidrotexnik inshootlar va gidropostlar tozalanadi va taʼmirlandi2. 2016 yilda uzunligi 856,3 kilometrlik kollektor, 322,6 kilometr yopiq kollektor-drenaj tarmoqlari, 233 vertikal drenaj qudug‘i, 12 ta meliorativ nasos stansiyasi, 357,4 kilometr kanal, 70,8 kilometr sug‘orish lotok tizimi barpo etildi va rekonstruksiya qilindi.
Suv zaxiralarini tejash bo‘yicha mamlakatimizda tashkiliy va iqtisodiy hamda agrotexnik tadbirlar amalga oshirilmoqda. Ana shunday tadbirlardan biri fermerlar orasida suvni navbatma-navbat ishlatish hisoblanadi. Ekin dalalari navbatmanavbat sug‘orilishi natijasida kanaldagi suv isrofi 10-20%, o‘q-ariqlardagi suv isrofi 30-35% gacha kamayadi4. Yana bir tadbir sug‘orish tarmoqlarini ishchi holatini taʼminlash, ularni tozalash va taʼmirlashdan iborat. Kanal va ariqlarni loyqalik va begona o‘tlardan tozalash dalalar suv taʼminotini yaxshilaydi
Suvdan tejamkorlik asosida foydalanish uchun quyidagilarni amalga oshirish maqsadga muvofiqdir: – suvning qatʼiy hisob-kitobini joriy etish; – suvning oldi-berdi hisob-kitoblarini to‘liq yuritish; – suvdan samarali va tejamli foydalanish bo‘yicha targ‘ibot-tashviqot ishlarini olib borish. Suvning qatiy xisob-kitobini joriy qilish uchun har bir suv isteʼmolchisi suv olish quloqlarini suv oqimini rostlovchi va suv o‘lchovchi vositalar bilan jihozlashi lozim bo‘ladi. Fermer xo‘jaliklarining suv olish quloqlarini suvni boshqarish (darg‘otlar) va o‘lchash inshootlari bilan jihozlash suvdan oqillik bilan foydalanish imkoniyatini yaxshilaydi.


