TerDPI da "Talabalar ligasi" va "Besh tashabbus olimpiadasi" sport musobaqalarining ochilish marosimi o'tkazildi
Bugun, Termiz davlat pedagogika institutida an'anaviy tarzda o'tkaziladigan "Talabalar ligasi" va "Besh tashabbus olimpiadasi" sport musobaqalarining yangi mavsum ochilish marosimi bo'lib o'tdi. Unda Yoshlar masalalari va ma'naviy-ma'rifiy ishlar bo'yicha birinchi prorektor U.Turamuradov, tegishli mas'ullar va talabalar ishtirok etishdi.
Tadbir davomida XVII yozgi paralimpiya o'yinlarida munosib ishtirok etib, davlatimiz rahbari tomonidan "Shuhrat" medali bilan taqdirlangan institutimiz magistranti Ergasheva Feruzaga rahbariyat tomonidan esdalik sovg'alari topshirildi.
Shundan so'ng, sport musobaqalariga start berildi.