Diqqat, e’lon!
Termiz davlat pedagogika institutida "Eng faol yil talabasi - 2024" tanlovining institut bosqichi uchun arizalar qabuli boshlandi!
Tanlovda hujjatlar quyidagi nominatsiyalar bo‘yicha qabul qilinadi:
- "Yilning o‘z mutaxassisligi bo‘yicha eng bilimdon talabasi";
- "Yilning eng faol targ‘ibotchi talabasi";
- "Yilning eng faol ixtirochi-innovator talabasi"
- "Yilning eng faol sportchi talabasi";
- "Yilning eng faol iqtidorli talabasi";
- "Yilning eng faol ijodkor talabasi";
- "Yilning eng faol tadbirkor talabasi" (xotin-qizlar uchun)
Ikki bosqichda o‘tkaziladigan tanlovning oliy ta’lim muassasasi bosqichida ishtirok etmoqchi bo‘lgan talabgorlar o‘z hujjatlarini joriy yilning 15-oktabr sanasiga qadar fakultetning Yoshlar bilan ishlash, ma’naviyat va ma’rifat ishlari bo‘yicha dekan o‘rinbosarlariga taqdim etishlari lozim.
Ushbu bosqichda nominatsiyalar bo‘yicha g‘olib va sovrindor bo‘lgan talabalar oliy ta’lim muassasasining faxriy yorlig‘i va tegishli ravishda bazaviy hisoblash miqdorining 8, 6 va 4 barobari miqdorida rag‘batlantiriladi.