TerDPI da qo‘shimcha qabul asosida magistraturada o'qimoqchi bo'lgan talabgorlar uchun kontrakt summasi aniq bo'ldi.

Xabaringiz bor, Davlat komissiyasining tegishli bayoni bilan 2024/2025-o‘quv yili uchun respublika oliy ta’lim muassasalarining magistratura mutaxassisliklariga qabul jarayonida talab darajasidagi xorijiy til sertifikatiga ega bo‘lib, qabul kvotasi doirasida talabalikka tavsiya etilmagan talabgorlarni oliy ta’lim muassasalari tomonidan belgilanadigan bazaviy to‘lov-kontrakt miqdorining 2 baravaridan ortiq bo‘lmagan miqdordagi to‘lov-kontrakt asosida qabul qilishga ruxsat berildi.

Termiz davlat pedagogika institutida Kengash qaroriga binoan qo‘shimcha qabul asosida o‘qish istagini bildirgan talabgorlar uchun kontrakt narxi bazaviy to‘lov-kontrakt miqdorining 1,5 barobar etib belgilandi.