Goethe (Gyote) institutining O'zbekistondagi filiali delegatsiyasi TerDPI da
Termiz davlat pedagogika institutiga Goethe institutining O'zbekistondagi filiali delegatsiya a'zolari: Til bo'limi boshlig'i D.Mukhammadinova, nemis tili bo'yicha ta'lim sohasidagi hamkorlik bo'limi xodimlari S.Turakulova, G'.Hafizovlar tashrif buyurishdi va institut rahbariyati bilan uchrashuv tashkil etildi.
Tashrif avvalida institut rahbariyati bilan muzokara olib borilib, Germaniya nashriyot uylaridan zamonaviy o’quv adabiyotlarini olish, professor-o’qituvchilarga nemis tilini o’qitishnining yangi metodlarini o’rgatish, DLL kursini o’quv dasturlari mazmuniga singdirish masalalari muhokama qilindi.
Shuningdek, delegatsiya a'zolari nemis tili darsida ishtirok etib, talabalar bilan muloqot qilishdi.