Qorabayir otlari mahorati maktabida talabalar va "Qalqon" jamoatchilik guruhi uchun mahorat darsi o‘tkazildi

Surxondaryo viloyatidagi Qorabayir otlari mahorati maktabida yoshlarni milliy merosimizning bebaho qismlaridan biri bo‘lgan Qorabayir otlari bilan yaqindan tanishtirish, ularning tarixiy, madaniy va sport sohasidagi ahamiyatini chuqur anglashga yordam berish maqsadida Termiz davlat pedagogika instituti talabalari hamda "Qalqon" jamoatchilik guruhi a’zolari uchun amaliy-mahorat darsi tashkil etildi.

Mahorat darsida ishtirokchilarga Qorabayir zotining o‘ziga xos jihatlari, ularning jismoniy holati, yurish-turishi va sportdagi o‘rni haqida batafsil ma’lumotlar berildi. Talabalar va "Qalqon" guruhi a’zolari otlar bilan qanday muomala qilish, ularni parvarishlash va ularga ehtiyotkorlik bilan yondashish bo‘yicha nazariy hamda amaliy bilimlarni egallashdi.

Tadbir davomida ishtirokchilar professional murabbiylar ko‘magida ot minib ko‘rish, mashg‘ulotlarda faol qatnashish va ot sportining turli jihatlari bilan tanishish imkoniga ega bo‘lishdi.

✍️TerDPI matbuot xizmati