Termiz davlat pedagogika instituti va "The new education" test markazi o'rtasida shartnoma imzolandi

Joriy yilning 27-noyabr kuni Termiz davlat pedagogika institutiga "The new education" test markazi direktori N.Jumaniyozova boshchiligidagi delegatsiya  tashrif buyurdi. Delegatsiya a'zolari bilan institut rektori A.Xasanov uchrashuv o’tkazib, ingliz tili o’qituvchilarini Amerika Qo’shma Shtatlariga malaka oshirishga yuborish bo’yicha shartnoma imzolandi. 

Kunning ikkinchi yarmida professor-o’qituvchilar uchun tanlov jarayonlari boshlandi. Tanlov 3 bosqichda: iTEP (International Test of English Proficiency) test, ochiq dars hamda essay yozish bo’yicha o’tkazilib, 50 ga yaqin professor-o'qituvchilar ishtirok etishdi. 

Ma'lumot o'rnida, saralash bosqichidan muvaffaqiyatli o'tgan professor-o'qituvchilar institut tomonidan Amerika Qo'shma Shtatlariga 2 haftalik TESOL kursiga malaka oshirishga yuboriladi.