Biz birgamiz - bir safdamiz bolajon!

Termiz davlat pedagogika instituti Pedagogika va inklyuziv ta'lim kafedrasi Maxsus pedagogika: defektologiya yo'nalishi 1-bosqich talabalari va "Mehrli qo'llar" volontyorlar guruhi tashabbusi bilan Sho’rchi tumanidagi 68-sonli alohida ta’lim ehtiyojlari bo’lgan aqli zaif bolalar uchun ixtisoslashtirilgan maktab-internatida "Biz birgamiz - bir safdamiz" shiori ostida "Beg’uborsan bolajon" nomli tadbir tashkil etildi.

Tadbir davomida talabalar turli ertak qahramonlari obrazida gavdalanib, bolajonlarga yaxshi kayfiyat ulashishdi, shuningdek, turli qiziqarli o’yinlar tashkil etilib, jonli ijroda qo’shiq kuylandi.

Ma’lumot o’rnida mazkur maktab 1957-yilda tashkil etilgan bo’lib, hozirda 386 nafar bolalar tarbiyalanishadi.