Oltinsoyga metodik yordam ko'rsatish ishlari davom etmoqda

Ma’lumki, Termiz davlat pedagogika instituti tomonidan institutga biriktirilgan Oltinsoy tumanidagi maktablarga doimiy ravishda metodik yordam ko’rsatib kelinmoqda.

Kuni kecha Tillar fakultetining bir guruh professor-o’quvchilari va talabalari institutga biriktirilgan tumandagi 5-sonli maktabda bo’lib, professor-o’qituvchilar tomonidan maktab o’qituvchilariga zamonaviy ta’lim metodlari orqali dars o’tishga ko’maklashish maqsadida seminar-trening tashkil etildi.

Shuningdek, fakultetning iqtidorli talabalari tomonidan ma'naviy-ma'rifiy tadbir o'tkazilib, sahna ko'rinishlari namoyish qilindi. Tashrif yakunida “Yashil makon” umummilliy loyihasi doirasida maktab hududiga ko‘chat o'tqazildi.