Vazirning birinchi o‘rinbosari Termiz davlat pedagogika institutidagi qurilish ishlarini ko‘zdan kechirdi

24-yanvar kuni Oliy ta’lim, fan va innovatsiyalar vazirining birinchi o‘rinbosari Shohrux Daliyev Termiz davlat pedagogika institutida bo‘lib, institut rektori Azizbek Hasanov bilan birgalikda muassasaning “Yangi O‘zbekiston” massivida yangidan qurib bitkazilayotgan 2 ta 1500 o‘rinli o‘quv binosi hamda davlat-xususiy sheriklik asosida qurilayotgan 2 ta 400 o‘rinli talabalar turar joyining qurilish jarayonlari bilan tanishdi.

Ko‘zdan kechirish davomida obyektlar sifatli, foydalanuvchilar uchun qulay bo‘lishi hamda belgilangan ishlarni muddatida yakunlash kerakligi ko‘rsatib o‘tildi.

Shundan so‘ng, institutning asosiy binosida talaba-yoshlar hamda professor-o‘qituvchilar uchun yaratilgan sharoitlar o‘rganilib, 2025-yilda ilmiy salohiyat va ta’lim sifatini oshirish bo‘yicha topshiriqlar berildi.