Milliy libos - millat timsoli
Milliy liboslarda xalqimizning tarixi, qadimiy urf-odat va an'analari, didi, estetik qarashlari mujassam etgan bo'lib, hozirgi kunda milliy liboslar jozibasini yoshlar o'rtasida keng targ'ib etish g'oyat muhim ahamiyat kasb etadi.
Bugun Termiz davlat pedagogika institutida Surxondaryo viloyati "Milliy tiklanish" demokratik partiyasi bilan hamkorlikda "Milliy libos - millat timsoli" nomli badiiy tadbir bo'lib o'tdi. Unda Xotin-qizlar masalalari bo’yicha rektor maslahatchisi S.Tursunova, Termiz shahar Kengashi deputatlari S.Xadjayeva, M.Ro’ziyeva, viloyat ixtisoslashtirilgan ona va bola ilmiy-amaliy tibbiyot markazi direktor o'rinbosari M.Xamidova O’zbek tili va adabiyoti kafedrasi mudiri L.Mardonova va professor-o’qituvchilar, talabalar ishtirok etishdi.
Tadbir davomida milliy liboslarning tarixi, ularning turli hududlardagi o‘ziga xos xususiyatlari haqida suhbatlashildi. Shuningdek, yoshlar o‘rtasida milliy madaniyatimizga bo‘lgan hurmatni oshirishga qaratilgan videoroliklar namoyish etildi.