Ekozakovat turnirining final bosqichi bo'lib o'tdi
Oʻzbekiston Ekologik partiyasi Markaziy Kengashining 2025-yil oktabr-noyabr oylarida oʻtkazilishi rejalashtirilgan chora-tadbirlar rejasiga asosan, Surxondaryo viloyatidagi oliy ta'lim muassasalari talabalari o'rtasida, O‘zbekiston Ekologik partiyasi Surxondaryo viloyat Kengashi tashabbusi bilan “Biz tabiat himoyachilarimiz” shiori ostida viloyatdagi oliy ta’lim muassasalari talabalari o‘rtasidagi 2-bosqich “EKO–ZAKOVAT” turniri o'tkazildi.
Mazkur final bosqichida 1-bosqichda g‘oliblikni qo‘lga kiritgan jamoalar o‘zaro kuch sinashdi.
Turnirda bugungi kunda atrof-muhitni asrab-avaylash, atmosfera havosini yaxshilash, chiqindi muammolarini bartaraf qilish va boshqa ekologiyaga oid masalalar yuzasidan savol-javoblar bo'lib o'tdi.
Musobaqada g‘oliblikni quyidagi jamoalar qo‘lga kiritdi:
1 The green (TerDPI)
2 Aysberg (TDTU Termiz filiali)
3 Parlament Mix (TerDU)
“EKO ZAKOVAT” turniri Surxondaryo viloyatidagi yoshlar orasida ekologik madaniyatni yuksaltirish, ularni tabiatni asrashga undash hamda bilimlarini sinovdan o‘tkazish uchun ajoyib maydon bo‘ldi.