Ilmli ayol - jamiyat ko'zgusi

Ma'lumki, joriy yilning 10-15-fevral kunlari respublikamiz bo'ylab "Olima ayollar" haftaligiga start berilgan. Shu munosabat bilan joylarda uchrashuvlar, yig'ilish va qator konferensiyalar o'tkazib kelinmoqda. 

Xususan, bugun Termiz davlat pedagogika institutida "Ilmli ayol - jamiyat ko'zgusi" mavzusida davra suhbati o'tkazildi. Unda Ilmiy ishlar va innovatsiyalar bo'yicha prorektor Sh.Kuldasheva, Termiz davlat muhandislik va agrotexnologiyalar universiteti professori O.Sultonova, Boshlang'ich ta'limda matematika va ona tili kafedrasi mudiri D.Shabbozova, Termiz davlat universiteti Psixologiya kafedrasi mudiri X.Sharofutdinova va boshqa ko'plab olima ayollar, iqtidorli yosh talaba-qizlar ishtirok etishdi. 

Tadbirda so'z olgan olima ayollar o‘z ilmiy izlanishlari, erishgan yutuqlari va ilmiy hayot yoʻli haqida fikr almashdilar. O‘z tajribalarini talaba-qizlar bilan o‘rtoqlashib, yosh tadqiqotchilarni ilm-fan yo‘nalishida faol bo‘lishga chaqirishdi.

Tadbir yakunida faol ishtirok etgan olima ayollar tashakkurnoma hamda esdalik sovg'alari bilan taqdirlanishdi.