“Bo‘lajak olim” tanloviga tayyorgarlik
“Bo‘lajak olim” tanloviga tayyorgarlik. Ilmiy seminar-trening !
Joriy yilning 6-fevral kuni Termiz davlat pedagogika institutida Oliy ta’lim, fan va innovatsiyalar vazirligining 2025-yil 17-yanvaridagi 17-sonli buyrug‘ining ijrosini ta’minlash maqsadida “Bo‘lajak olim” tanlovida talabalarning munosib ravishda ishtirokini ta’minlash, ularning ilmiy-tadqiqot faoliyatiga doir loyihalarni hamda tanlovga bo‘lgan qiziqishlarini yanada oshirish maqsadida seminar-trening o‘tkazildi.
Seminar davomida:
Ilmiy ishlar va innovatsiyalar bo‘yicha prorektor Sh.Kuldasheva, institutda talabalar ilmiy salohiyatini oshirishga qaratilgan “Bo‘lajak olim” hamda startap loyihalar tanlovi doirasida “Istiqbolli startap loyihalar” Dasturi bilan yaqindan tanishtirib o‘tdi.
Shuningdek, Iqtidorli talabalarning ilmiy-tadqiqot faoliyatini tashkil etish bo‘limi boshlig‘i A.Nurullayev, O‘zbekiston Respublikasi Prezidenti davlat stipendiyasi hamda nomli davlat stipendiyalari haqida to‘xtalib, mazkur stipendiyalarni qo‘lga kiritish uchun talab qilinadigan me’yoriy hujjatlar, nomzodlarga qo‘yiladigan talablar va ushbu mukofot egalari uchun ajratiladigan imtiyozlar haqida qisqacha ma’lumot berib o‘tildi.
Seminar davomida talabalar “Bo‘lajak olim” hamda startap loyihalar tanlovi doirasida “Istiqbolli startap loyihalar” Dasturi bilan bog‘liq o‘zlarining qiziqtirgan savollarga mutaxassislar tomonidan batafsil javob olishdilar.
Ilm-fan sari ishonch bilan qadam tashlayotgan iqtidorli talaba-yoshlarimizga omad tilaymiz!
️ Qo‘shimcha ma’lumot uchun: Iqtidorli talabalarning ilmiy-tadqiqot faoliyatini tashkil etish bo‘limiga quyidagi raqam orqali bog‘lanib ma’lumot olishlari mumkin.
Tel: +998 33 672 12 55