"Rektor kubogi" doirasida ARMRESTLING musobaqasi o‘tkazildi
Termiz davlat pedagogika institutida talaba yigitlar o‘rtasida “Rektor kubogi” doirasida ARMRESTLING (kuch sinashuv) musobaqasi bo‘lib o‘tdi. Musobaqada institutning barcha fakultetlaridan talaba yigitlar faol ishtirok etishdi.
Qizg‘in va murosasiz ruhda kechgan bellashuv yakunlariga ko‘ra quyidagi g‘oliblar aniqlandi:
1-o‘rin — Jismoniy madaniyat va san’at fakulteti talabasi Ergashev Laziz
2-o‘rin — Tabiiy va aniq fanlar fakulteti talabasi Abdukarimov Islom
3-o‘rin — Pedagogika va ijtimoiy fanlar fakulteti talabasi Qahramonov Akbar
Kuch sizda, iroda sizda — g‘alaba esa harakatda!
Musobaqa talabalar o‘rtasida sog‘lom turmush tarzini targ‘ib qilish, sportga bo‘lgan qiziqishni oshirish hamda jismoniy faollikni rivojlantirish maqsadida tashkil etildi.