TerDPIda “Sportchi – yurt himoyachisi!” shiori ostida “Sport oyligi”ning rasmiy ochilish marosimi bo‘lib o‘tdi.

Respublikamizning barcha oliy ta’lim muassasalarida may oyi “Sport oyligi” deb e’lon qilinib “Sportchi – yurt himoyachisi” shiori ostida sport tadbirlari tashkil etilmoqda. Mazkur tashabbus doirasida Termiz davlat pedagogika institutida sport oyligining ochilish marosimi  ko‘tarinki ruhda bo‘lib o‘tdi.

Marosimda institut rektori A. Xasanov o‘z nutqi bilan ushbu marosimi  yuqoridagi vazifalarning mantiqiy davomi  ekanligini ta'kidlab o‘tdi. 
Shu bilan birga, tadbirda Viloyat sport boshqarma boshlig'i S.Shomrodov hamda institut rahbariyati, professor-o‘qituvchilar, sportchi, faol va iqtidorli talaba-yoshlar ishtirok etdi.

Shuningdek, ochilish marosimida talaba-yoshlar tomonidan harbiy-vatanparvarlik ruhidagi turli sahna ko‘rinishlari,  sport mashqlari va badiiy chiqishlar namoyish etildi. 
Tadbirdan asosiy maqsad – talaba-yoshlar o‘rtasida sog‘lom turmush tarzini keng targ‘ib qilish, ularning sportga bo‘lgan qiziqishini oshirish, jismoniy faollikni kuchaytirish, harbiy-vatanparvarlik ruhini mustahkamlash hamda sportda muvaffaqiyatlarga erishgan yoshlarni rag‘batlantirishdan iboratdir.