"Men bo‘lg‘usi..." nomli psixologik aksiyasi oʻtkazildi

Termiz davlat pedagogika institutda “Men bo‘lg‘usi...” nomli psixologik aksiya tashkil etildi. Talaba-yoshlar orasida ijobiy kayfiyat ulashish, ularning maqsad va orzular sari intilish ruhini shakllantirishga qaratildi.

Tadbir davomida talabalar va professor-o‘qituvchilar o‘z hayotiy maqsadlari, orzu-intilishlari, kelajakdagi kasblari va shaxsiy yondashuvlari haqida fikr almashdilar. Aksiya davomida talabalar orasida do‘stona muhit, o‘z-o‘zini anglash va ishonch hissini mustahkamlashga qaratilgan turli faoliyatlar tashkil etildi.

"Men bo‘lg‘usi..." aksiyasi institutda sog‘lom psixologik muhit yaratish, yoshlarni hayotiy maqsadlarini belgilashga undash, ularda motivatsiyani oshirish va maqsadga intilish ruhini mustahkamlashga xizmat qildi.

 Ushbu tashabbus Termiz davlat pedagogika instituti jamoasining yosh avlod ma’naviy-ma’rifiy va psixologik tarbiyasiga qaratilgan izchil faoliyatining bir qismi sifatida amalga oshirildi.