"Amir Temur vorislari" harbiy-sport spartakiadasi o‘tkazildi

Termiz davlat pedagogika institutida "Amir Temur vorislari" harbiy-sport spartakiadasi musobaqasining institut bosqichi bo‘lib o‘tdi.

Ushbu musoboqada institutning barcha fakultetlaridan sport sohasida faol va chiniqqan talaba-yoshlar ishtirok etib, o‘zlarining jismoniy tayyorgarligi va harbiy-amaliy ko‘nikmalarini sinovdan o‘tkazdilar.

Musobaqaning asosiy maqsadi – talaba-yoshlarni o‘z Vataniga sadoqat, harbiy-vatanparvarlik ruhida tarbiyalash, ular orasida sog‘lom turmush tarzini targ‘ib qilish, jismoniy va harbiy ko‘nikmalarini mustahkamlashdan iboratdir.

Musobaqa 2 ta asosiy shart turnikda tortilish hamda  oʻquv granatasini uzoqlikka uloqtirish bo‘yicha tashkil etildi va unda har bir fakultet jamoasi o‘zining jismoniy tayyorgarligi, tezkorligi, harbiy va sportga oid bilim hamda ko‘nikmalarini namoyish etdi.

 Musobaqa yakunlari quyidagicha:
 1-o‘rin – Jismoniy madaniyat va san’at fakulteti jamoasi 
 2-o‘rin – Pedagogika va ijtimoiy fanlar fakulteti jamoasi
 3-o‘rin – Tabiiy va aniq fanlar fakulteti jamoasi 

Musobaqa talabalarning jismoniy faolligi, sog‘lom turmush tarziga bo‘lgan qiziqishini oshirish hamda harbiy-vatanparvarlik ruhini kuchaytirishda muhim ahamiyat kasb etdi.