“Tomchi Buloq”da bioxilma-xillik bo‘yicha amaliy mashg‘ulot

Matn: Termiz davlat pedagogika institutida talabalar tashabbusi bilan faoliyat yuritayotgan ekologik jamiyat doirasida “Tomchi Buloq” hududida bioxilma-xillikni o‘rganishga bag‘ishlangan amaliy mashg‘ulot tashkil etildi. Mazkur tadbir talabalarni tabiatni muhofaza qilish, ekologik barqarorlik tamoyillarini amaliyotga tatbiq etish hamda tabiiy ekotizimlarga nisbatan ehtiyotkor munosabatni shakllantirishga qaratildi.

Amaliy mashg‘ulotda Tabiiy va aniq fanlar fakulteti Biologiya yo‘nalishining 1–2-bosqich talabalari ishtirok etib, hududdagi flora va fauna vakillarini kuzatish, bioxilma-xillikni o‘rganish, tabiiy muhit xususiyatlarini tahlil qilish hamda ekotizimlarga nisbatan mas’uliyatli yondashuvni rivojlantirish bo‘yicha amaliy faoliyat olib bordilar.

Tadbir davomida talabalarga ekologik monitoring, kuzatish va tahlil elementlari asosida ishlash ko‘nikmalari singdirildi. Mashg‘ulot jarayonida bioxilma-xillikni saqlashning ahamiyati, tabiiy resurslardan oqilona foydalanish, tabiiy hududlarga nisbatan ehtiyotkor munosabat va barqaror rivojlanish tamoyillarini kundalik hayot bilan bog‘lash masalalariga alohida e’tibor qaratildi.

Mazkur tashabbus talabalarning ekologik savodxonligini oshirish, tabiatni muhofaza qilish bo‘yicha amaliy ko‘nikmalarini rivojlantirish va institutda talabalar tomonidan boshqariladigan ekologik faoliyatlarni kuchaytirishga xizmat qildi. Ushbu mashg‘ulot orqali yoshlar orasida bioxilma-xillikni asrash, tabiiy ekotizimlarga hurmat bilan munosabatda bo‘lish va barqaror rivojlanish g‘oyalarini keng targ‘ib etish maqsad qilingan.