O'zbekiston - Qozog'iston - xalqaro hamkorlik aloqalari davom etmoqda

Shu kunlarda Qozog‘iston Respublikasi Almata shahrida joylashgan Al-Farobiy nomidagi Qozog‘iston milliy universitetida “Kolloidlar va yuzalar-2025” V xalqaro ilmiy anjuman bo'lib o'tmoqda. Unda Termiz davlat pedagogika instituti ilmiy va innovatsiyalar prorektori kimyo fanlari doktori, professor Kuldasheva Shahnoza Abdulazizovna ham o‘z ma'ruzalari bilan ishtirok etmoqda. 

Anjuman doirasida xorijlik mutaxassis olimlarning kolloid kimyoning zamonaviy, atrof muhit muhofazasidagi qator muammolari yechimiga qaratilgan ma'ruzalari va ishlanmalari aks ettirilgan taqdimotlari tinglanib, tajriba almashinilmoqda. 

Shuningdek, prorektor Sh.Kuldasheva Al-Farobiy nomidagi milliy universiteti rahbariyati bilan TerDPI o'rtasida yangi hamkorlik masalalarida uchrashuv o'tkazdi va kimyo yo'nalishi talabalarini "Talabalar almashinuvi" doirasida amaliyotga jalb etish bo'yicha kelishib olindi.