Yoshlar bilan mahallalarda manzilli profilaktik ishlar davom etmoqda

Termiz davlat pedagogika instituti tashabbusi bilan yoshlar o‘rtasida jinoyatchilik va oilaviy ajrimlarning oldini olish, ijtimoiy-ma’naviy muhitni sog‘lomlashtirish, shuningdek, nizoli oilalar farzandlari, huquqbuzarlik va jinoyatchilikka moyilligi bo‘lgan uyushmagan yoshlarning bo‘sh vaqtini mazmunli tashkil etish maqsadida navbatdagi profilaktik tadbir tashkil etildi.

Tadbir Termiz tumani "Yangiobod" mahallasida o‘tkazilib, institut psixologi, fakultet dekan o‘rinbosarlari hamda profilaktika inspektorlari tomonidan mahalla fuqarolari ishtirokida keng ko‘lamli tushuntirish ishlari olib borildi.

Suhbat davomida psixolog tomonidan turli qiziqarli va samarali psixologik metodlar sinovdan o‘tkazildi. Fuqarolar o‘zlarini qiziqtirgan savollarga javob olishdi, hayotiy muammolarga psixologik yondashuv bo‘yicha foydali tavsiyalar berildi.

Bunday tadbirlar yoshlar ongida ijobiy fikr va qarashlarni shakllantirish, ularni sog‘lom muhitda tarbiyalash, oilaviy muammolarni barvaqt bartaraf etishga xizmat qilmoqda.