Yakuniy davlat attestatsiya imtihonlari va qabul jarayonlarida shaffoflikni ta'minlash bo'yicha profilaktik uchrashuvlar o'tkazildi

Joriy yilning 26-iyun kuni Viloyat Ichki ishlar boshqarmasi korrupsiya va iqtisodiy jinoyatlarga qarshi kurashish bo'limi xodimi J.Nafasov hamda  Institutning korrupsiyaga qarshi kurashish “Komplayens nazorat” tizimini boshqarish bo‘limi tomonidan Maktabgacha ta'lim fakultetida kafedra mudirlari, professor-o‘qituvchilari va ishchi-xodimlari uchun bitiruvchilarga o'tkazilayotgan yakuniy davlat attestatsiya sinovlarini adolatli va shaffof o'tkazish hamda 2025-2026 o'quv yili uchun qabul jarayonlarida korrupsion holatlarni oldini olish masalalariga bag'ishlangan profilaktik suhbatlar o‘tkazildi.

Suhbatda mas'ullar yakuniy attestatsiya jarayonlari va qabul imtihonlarining har bir bosqichi qat’iy nazorat ostida bo‘lishi, har qanday noqonuniy holatlarga nisbatan keskin choralar ko‘rilishini ta’kidladi. Shuningdek, barcha ishtirokchilarga “Korrupsiyaga qarshi kurashish to‘g‘risida”gi qonun talablari, manfaatlar to‘qnashuvi holatlari va ularni oldini olish yo‘llari haqida batafsil ma’lumotlar berildi.

Tadbir yakunida institut jamoasi o‘rtasida halollik, oshkoralik va javobgarlik tamoyillariga qat’iy amal qilish, har bir bosqichda adolat va shaffoflikni ta’minlash muhimligi alohida urg‘u bilan qayd etildi.