Dolzarb 90 kun

Termiz davlat pedagogika institutida "Dolzarb 90 kun" loyihasi doirasida talabalarning yozgi taʼtil davrini mazmunli o‘tkazish maqsadida "Adabiyot kechasi" o‘tkazildi. 

 Uchrashuvimizning mehmoni — taniqli shoir Dadaxon Muhammadiyev!

Davra suhbati davomida ijodkor o‘z ijodi va hayotiy tajribalari haqida so‘zlab berdi, shuningdek, talabalar o‘zlarini qiziqtirgan savollariga javob olishdi. Quvonarlisi, institutda o‘tkaziladigan "Mutolaa vaqti" loyihasi uchun shoir tomonidan o‘qilgan audio kitoblar sovg‘a qilindi. 

Maʼlumot o‘rnida, Dadaxon Muhammadiyev 1989-yil Samarqand viloyatida tug‘ilgan. Filologiya fanlari bo‘yicha falsafa doktori (PhD). "Tirik tosh" sheʼriy kitobi muallifi. O‘zbekiston Yozuvchilar uyushmasi aʼzosi.