kambag’allikdan farovonlik sari

O‘zbekiston Respublikasi Prezidentining  “Kambag‘allikdan farovonlik sari” dasturini 2025-yilda amalga oshirish chora-tadbirlari to‘g‘risidagi qarorida belgilangan vazifalar ijrosini ta’minlash maqsadida, Termiz davlat pedagogika institutiga biriktirilgan Termiz shahar “Manguzar” mahallasida istiqomat qiluvchi ijtimoiy himoyaga muhtoj oilalar holidan xabar olindi.

Qarorda belgilanganidek, ushbu oilalar farzandlarini har tomonlama qo‘llab-quvvatlash, ularning sifatli ta’lim olishlari uchun zarur shart-sharoit yaratish hamda ijtimoiy-ma’naviy rivojlanishlariga ko‘maklashish muhim vazifalardan biridir.

Shu maqsadda, bugun Termiz davlat pedagogika instituti rektori A.Xasanov boshchiligida mas’ullar tomonidan mazkur oilalarga institut nomidan maktab sumkalari, o‘quv qurollari va boshqa zarur o‘quv anjomlari  topshirildi. Tadbir davomida ota-onalar va farzandlar bilan ochiq muloqot o‘tkazilib, ularning ehtiyoj va takliflari tinglandi.

Mazkur ezgu tashabbus mamlakatimizda inson qadrini ulug‘lash, yosh avlodning bilim olishi va hayotda o‘z o‘rnini topishiga ko‘maklashish yo‘lidagi izchil amaliy ishlarning yorqin ifodasidir.