Rektor va doktorantlar uchrashuvi bo‘lib o‘tdi
Termiz davlat pedagogika instituti rektori A.Xasanov doktorantlar bilan uchrashdi. Uchrashuv davomida ilmiy-tadqiqot ishlarini samarali yo‘naltirish masalalari muhokama qilindi.
Uchrashuvda doktorantlarning tanlaydigan ilmiy mavzulari bugungi kun talablariga javob berishi, ularning dolzarbligi va amaliy ahamiyati muhim ekanligi alohida ta’kidlandi. Xususan, dissertatsiya ishlari jamiyatdagi ijtimoiy hamda iqtisodiy muammolarning yechimiga qaratilishi lozimligi haqida batafsil tushunchalar berildi.
Shuningdek, uchrashuv davomida Ilmiy-innovatsion ishlanmalarni tijoratlashtirish bo‘limi boshlig‘i J.Mamanov Innovatsion rivojlanish agentligi tomonidan e’lon qilingan “Akademik harakatchanlik” dasturi tanlovida ishtirok etish tartiblari haqida ham ma’lumot berdi. Unda loyiha shakllantirish, amalga oshirish, moliyalashtirish va monitoring qilish tartibi bo‘yicha Nizom talablari tushuntirib o‘tildi.