Termiz davlat pedagogika institutida viloyatdagi maktablar o'quv ishlari bo'yicha direktor o‘rinbosarlari uchun “Mezonlarga asoslangan baholash” mavzusida seminar-trening tashkil etildi.
O‘quv mashg‘ulotlarini Pedagogik mahorat va xalqaro baholash ilmiy-amaliy markazi mutaxassislari olib bordilar. Unda quyidagi masalalar bo‘yicha batafsil ma’lumot berildi:
mezonlarga asoslangan baholash tizimining o‘ziga xos jihatlari;
baholash mezonlarini belgilash tartibi;
yangi baholash tizimini ta’lim jarayonida samarali qo‘llash yo‘llari.
Seminar davomida maktab direktor o‘rinbosarlari amaliy mashg‘ulotlarda baholash mezonlarini ishlab chiqish, o‘quvchilarning yutuqlarini xolisona baholash va ularni tahlil qilish bo‘yicha zaruriy ko‘nikmalarni mustahkamlashdi.
Tadbir yakunida institut rahbariyati ushbu seminar maktablarda ta’lim sifati va samaradorligini oshirishga xizmat qilishini ta’kidlab o‘tdi.