Grant ajratilishi yoki qayta taqsimlanishi uchun ariza topshirgan talabgorlarning ballari e'lon qilindi.
O‘zbekiston Respublikasi Vazirlar Mahkamasining 2025-yil 10-martdagi 149-sonli qaroridan kelib chiqib, talabalarga ajratiladigan davlat grantlarini adolatli va shaffof taqsimlash, o‘qishda yuqori ko‘rsatkichlarga ega talabalarni rag‘batlantirish, grant mablag‘laridan maqsadli va samarali foydalanishning aniq mexanizmi belgilangan.
Mazkur qaror ijrosini taʼminlash maqsadida Termiz davlat pedagogika institutida tegishli chora-tadbirlar amalga oshirilmoqda. Jumladan, talabalarning ijtimoiy faolligi va o‘quvdagi yutuqlarini baholash hamda grantlar taqsimotini shaffof tashkil etish uchun maxsus elektron platforma — grant.terdpi.uz ishlab chiqildi.
Grant ajratilishi yoki qayta taqsimlanishi uchun ushbu platformada ro‘yxatdan o‘tib, elektron ariza va hujjatlarni topshirgan talabgorlarning ballari e’lon qilindi.
Talabalar o‘z ballarini grant.terdpi.uz platformasidagi shaxsiy kabinetlari orqali ko‘rishlari mumkin.
Ballardan norozi bo‘lgan talabalar apellyatsiya arizalarini
22-avgust soat 10:00 dan 24-avgust soat 10:00 gacha (48 soat davomida) grant.terdpi.uz platformasi (shaxsiy kabineti) orqali onlayn tarzda topshirishlari mumkin.