Termiz davlat pedagogika institutida "Dolzarb 90 kun" loyihasi doirasida talabalar uchun onlayn va oflayn shaklda “Kino kechasi — filmlar namoyishi” bo‘lib o‘tdi.

Kecha davomida koronavirus kasalligining O'zbekistonda tarqalishi, o'z sohasining yetuk mutaxassisi bo'lgan jonkuyar shifokorlarimizning kasallikka qarshi kurashi, xalqimizning metin iroda sohibi ekanligini ochib beruvchi ''Pandemiya'' filmi namoyish etildi.

"Pandemiya" filmida koronavirus fojiasi fonida ba’zi taqdirlar koʻrsatiladi. Masalan, ikki sevishganning hayotini kasallik qanchalik oʻzgartirgani va qanday oqibatga olib kelgani, koronavirusga qarshi kurashish uchun mas’ul shaxslarning ishdagi va shaxsiy hayoti qanchalik oʻzgargani, shuningdek, nafaqaga chiqqan shifokorning boshidan kechirganlari va boshqalar haqidagi har bir hikoya ta’sirlantiradi.