Yoshlarni oilaviy hayotga tayyorlash

21-aprel kuni institutda “Yoshlarni oilaviy hayotga tayyorlash, oiladagi nizoli holatlarni hal qilishning huquqiy va psixologik asoslarini o‘rgatish, erta nikoh hamda oilaviy ajralishlarning oldini olish” mavzusida talaba-qizlar o‘rtasida ma’naviy-ma’rifiy tadbir o'tkazildi. Tadbirda Termiz shahar tibbiyot birlashmasi bosh shifokori S.Poyonova, genekolog M.Qurbonova, ichki kasalliklar shifokori S. Ko‘charova, shifokor Malika Yo‘ldosheva, Pedagogika, psixologiya va boshlang‘ich ta’limi fakulteti dekani Q.Qodirov, xotin-qizlar maslahat Kengashi raisi S.I.Tursunovalar ishtirok etishdi va mavzu yuzasidan chiqish qilishdi. Shuningdek, tadbirda  talabalar turar joyi tarbiyachisi B.Bo‘ronova boshchiligida talabalar ishtirokida tayyorlangan “Erta nikohning salbiy oqibatlari”ga bag‘ishlangan sahna ko‘rinishi namoyish etildi. Tadbir yakunida Sog‘lom turmush tarzi borasida talaba-qizlar tomonidan berilgan savollarga tegishli mutaxassis shifokorlar javob berib o‘tishdi.