TerDPI professor-o'qituvchilari Polshada
Shu kunlarda INNOCAMP PL tomonidan Polsha Respublikasi Gdansk shahrida Erasmus Plus tomonidan inklyuziv ta'lim va twinning dasturlarini ilgari suruvchi moliyalashtirilgan "Teacher's Academys" loyihasi bo'lib o'tmoqda.
Loyihada Polsha, O'zbekiston, Finlandiya, Sloveniya, Ukraina va Gruziya davlatlari OTM laridan vakillar taklif etilgan. Loyiha davomida tashkilotchilar tomonidan o'qituvchilar malakasini oshirish va sog'lomlashtirishga qaratilgan mashg'ulotlar olib borilmoqda.
Dastur davomida institutimiz vakillari Gdansk davlat universitetida bo'lishdi va Xalqaro hamkorlik bo'yicha prorektor Doktor Magdalena Savich bilan uchrashuv o'tkazib, hamkorlik xususida suhbatlashishdi.
Uchrashuv davomida professor-o'qituvchilarni onlayn va oflayn tarzda ta'lim jarayonlariga jalb etish hamda Xorijiy Filologiya fakulteti talabalari bilan talaba almashinuvi loyihalarini yo'lga qo'yish masalalarida fikr almashinildi. Yakunda Doktor Magdalena Savichga TerDPI rahbariyati nomidan esdalik sovg'alari topshirildi.
Ma'lumot o'rnida, loyiha joriy yilning 22-noyabriga qadar davom etadi.