Yana bir memorandum imzolandi
Termiz davlat pedagogik instituti delegatsiyasi Malayziya Kelantan Universiteti Tilshunoslik va tillarni o’qitish fakulteti dekani Kamarulzaman Bin Abdul Ghani tomonidan kutib olindi va dastlabki muzokaralar o’tkazildi.
Shundan so’ng, Kelantan universiteti va Termiz davlat pedagogika instituti rektorlari nutq so’zlashdi. A.Xasanov mazkur institut bilan akademik mobillikni yo’lga qo’yish, professor-o'qituvchilarni malaka oshirishga jo'natish, o'quv jarayonlarini sifatli tashkil etish maqsadida hamkorlikni o'rnatish taklifini ilgari surdi va bu taklif universitet rektori professor Razli Bin Che Razak tomonidan ma'qullandi va memorandum tuzishga erishildi.