Ayni payt Malayziya davlatida xizmat safarida bo’lib turgan Termiz davlat pedagogika instituti delegatsiya a’zolari bugun Malayziya Xalqaro Islom Universiteti Pedagogika fakulteti rahbariyati bilan uchrashuv o’tkazdi.
Mazkur uchrashuv zoom platformasi orqali ham tashkil etilib, O’quv ishlari bo’yicha prorektor P.Tojiyev, Yoshlar masalari va ma’naviyat ishlari bo’yicha birinchi prorektor v.v.b U.Turamuratov, Pedagogika va san’at fakulteti dekani A.Samiyev va professor-o’qituvchilar ishtirok etishdi.
Muloqot davomida ikki OTM pedagogika fakultetlari hamkorlik aloqalarini yo’lga qo’yish, professor-o’qituvchilar tomonidan onlayn va offlayn seminar-mashg’ulotlari tashkil etish va yosh pedagoglarni magistratura, doktaranturaga o’qishga yuborish masalalari muhokama qilindi.